ESTUDIOS DIALECTALES SOBRE LA PROVINCIA DE ZAMORA (1879-19)
Estudios dialectales sobre la provincia de Zamora (1879-1995)
Na web furmientu.com, atóupase’l documentu Estudios dialectales sobre la provincia de Zamora (1879-1995) que trata sobre’l proyectu d'investigación sobre los estudios llingüísticos que se ficieron na provincia de Zamora entre los años (1879-1995)
Pa escomenzar, la provincia de Zamora está constituida por comarcas pertenecientes al antiguu Reinu de Llión que, cumo consecuencia d'ello, de la sua peculiar situación xeográfica, apresentan diferientes formas culturales, gallegas-pertuesas contra occidente, y castellanas contra oriente. Esta particularidá fomenta una rica diversidá etnográfica y llingüística qu'atrayei dende siempre l'atención de numarosos investigadores, con xeiras realizadas en diversas épocas, con diferientes metodoloxías y con propósitos científicos igualmente diferientes, qu'ofiertan una visión global, si bien non detallada, de la diversidá antes apuntada.
El Proyectu d'Investigación forma parte de dous oxetivos fundamentales: por un llau, describir l'actividá dialectolóxica efectuada na nuesa provincia a lo llargu d'este siglu, y por outro, aportar una visión de conxuntu de la diversidá dialectal de las suas falas d'anguaño mediante la elaboración d'una Enciclopedia Dialectal de Zamora a partir de los materiales llingüísticos arrequeidaos por estos trabayos.
La actividá dialectolóxica na provincia de Zamora entre 1879 y 1995 caracterízase pol estudiu de la sua intrinseca situación xeográfica, onde s'uñen culturas castellanas, llionesas y gallegu-pertuesas.
La investigación dialectal sobre las falas de Zamora realizada a lo llargu de los últimos cien años, siguíu'l mesmu caminu y evolución que, cumo parez razonable cuidar, siguíu la mesma investigación dialectal española a la vez, nel mesmu tiempu. Asina, si esta última pasóu por una época, a la final del siglu pasáu y precipios d'este, d'adopción y adaptación de los conceptos y métodos de la filoloxía europea hacia la nuesa rialidá, tamién las primeiras manifestaciones d'aqueillos trabayos, nos que s’asimilaban d'ideyas procedentes de fuera y nos que se ponen na práctica métodos deprendidos folasteiros. Igualmente, si la investigación llingüística española sofre, depués de la Guerra (1936-1939), la perda del llabor mayisterial y de coordinación d'actividades que Pidal efectuaba anteriormente, y fomenta la diáspora d'investigadores mui activos enantes d'ella, lo que produz una recesión d'investigaciones y queidando solo las que se facen voluntaristamente, más que cumo llabor colectiva ou d'escuela, tamién aminoran los estudios dialectales sobre las falas de Zamora, y acaban efectuándose por individualmente. Por últimu, a partir de los años 60, rucha nel nuesu país l'interés pola cultura tradicional y polas falas populares con una afonda renovación de la dialectoloxía tradicional, tras la incorporación d'un nuevu enfoque sociollingüísticu, tamién aumentan los estudios dialectales sobre las falas zamoranas, dalgunos d'ellos siguen las propuestas y métodos de la incipiente sociollingüística.
Pué falase asina, de tres etapas na evolución de la investigación dialectal sobre las falas de la provincia de Zamora dende finales del siglu XIX y durgante'l siglu XX: una primeira etapa, que barca últimu cuartu del siglu XIX y primer terciu del siglu XX (1879-1936); una segunda etapa, que comprendería más o menos el segundu terciu del siglu XX(1936-1973); y un tercer periodu, formáu pol últimu terciu del siglu XX(1973-1995).
Según l'estudiu de referencia de Juan Carlos González Ferrero (https://dra.revistas.csic.es/index.php/dra/article/view/360) na Revista de Dialectología y Tradiciones Populares, esta evolución divídese, cumo se dicía enantes en tres etapas precipales con unas ciertas características especiales:
1. Primeira etapa (1879-1936): Los inicios.
-Enfoque: Primeiros tentos d'averamientu a la rialidá dialectal, lideraos por estudiosos llocales y polas esploraciones del Centro de Estudios Históricos.
· Bases:
o Ramón Menéndez Pidal: Pubricóu El dialecto leonés (1906), anque inicialmente contaba con pouca información sobre Zamora, lo que motivóu espediciones posteriores.
o Federico de Onís: Realizóu esploraciones en 1912 qu'asentaron las bases pal estudiu de las vocales finales y diptongos nel asturllionés zamoranu.
o Fritz Krüger: Los sous trabayos sobre las falas del occidente zamoranu (cumo Senabria) a precipios del siglu XX son fundamentales pa la fonética histórica.
2. Segunda Etapa (1936-1973): Consolidación.
• Enfoque: Estudios monográficos de comarcas específicas y l'iniciu de grandes proyectos xeollingüísticos.
• Bases:
o "Atlas Lingüísticu de la Península Ibérica (ALPI): Arrequeidada de materiales nos años 30 (Cuadernu I) que lliendaron las partes del asturllionés na provincia.
o Concepción Casado Lobato: El sou estudiu sobre El habla de la Cabrera Alta (1948) ye un referente pal área noroccidental.
o Alonso Zamora Vicente: Anque centráu en Galicia, los sous trabayos na metodoloxía aplicada a las zonas lliendes de Zamora.
3. Terceira etapa (1973-1995): Diversificación y Sociollingüística.
• Enfoque: Inclusión de nuevas variables, cumo la sociollingüística y estudios sobre'l lésicu tradicional.
• Bases:
o Cortes Vázquez: Fizo importantes aportaciones sobre la fala de Sayago y Senabria, integrando lésicu asturllionés y pertués.
o Estudios sobre Toro: Investigaciones de González Ferrero sobre los rasgos occidentales y variables sociollingüísticas na fala de Toro.
Comentários