CONSIDERACIONES ESISTENCIALISTAS D’ESPARTACU Y LA SUA LLIENDA. (I)

 


CONSIDERACIONES ESISTENCIALISTAS D’ESPARTACU Y LA SUA LLIENDA.

PARTES DE LA NOVELA “ESPARTACU” de Howard Fast.

Un romanu dixou: “Temou que mucha xente sienta cumo vos qu’el llevantamientu d’escravos carez de nenguna importancia. Mas oservei que tolas nuesas vidas están relacionadas con escravos y un llevantamientu d’escravos implica tener más guerras, con más conquistas. ¿Nun lo considera asina?

Ella dudóu cola cabeza.

-You puedu aprobárselu. Escomenzóu va unos ciento veinte años col llevantamientu de los escravos púnicos que manteníamos prisioneros. Depués, duas xeneraciones depués, restrallóu la gran rebelión de los escravos nas minas de Laurio, en Grecia. Mas tarde, restrallóu la enorme revuelta de los mineros n’Hispania. Poucos años más tarde, saltóu la guerra d’escravos empuntiada por Salvio. Esas son solamente las grandes rebeliones, entre ellas prodúcense miles de pequenos llevantamientos, y todu en uñión ye una sola guerra, una guerra ininterrumpida y vergoñoza, una interminable guerra entre nós y los nuesos escravos, una guerra silenciosa, una guerra de vergoña de la que naide fala y de la que los historiadores nun quieren escribir. Tenemos miedu d’amostralu, miedu de miralu, porque ye dalgu nuevu sobre la tierra. Hubo guerras entre naciones, entre ciudades, entre grupos y hasta guerra entre hurmanos, mas este ye un nuevu monstruu, criáu drento de nós mesmo, metíu drento de los nuesos bofes, que s’afrenta a tolos partíos, a tolas naciones, a tolas ciudades.

Comentários

Mensagens populares