NON A LOS DESALLUGOS. POR UNA VIVIENDA DIGNA Y PÚBRICA PA TODOS.

 

NON A LOS DESALLUGOS. POR UNA VIVIENDA DIGNA Y PÚBRICA PA TODOS.
Tras varios años en que pude escatamiñar a causa del trabayu que ficei, pescudeí’l xeitu de invertir esas perras, pos teniéndolu nel bancu, este paecía que se ría de mi, y a mayores cobraban tolas comisiones que querían, ensin esperpejar nada. Entós aberruntéime de meter este diñeiru en dalgu que pudiera reundir, daquella fúi la de comprar una vivienda de segunda residencia, nel qu’acharrame de cuando’n vé y tener un apañu.
Craramente, neste sistema capitalista, unos invierten en criar comercios ou en hostelería, y outros invertimos el nuesu pequeno patrimoniu en inmobiliariu. Nin más ni menos.
Nun tié nada d’especial drentu del sistema d’economía de mercáu nel que vivimos, nel que’l capitalismu mercantiliza todu aquello que pué sacar un interés ou másimu beneficiu, y eso ye precipalmente los bienes de primeira necesidá, los que tienen siempre mayor demanda.
Craramente nuno d’esos alquileres a los poucos meses de firmar el contratu, deixaron de pagar los inquilinos, que yeran una pareya con dous fiyos.
Ante esto, escomenzamos colos trámites llegales, nos que tuvei que gastar n’abogáu y procurador, más de 1500 euros, y salíu’l xuiciu a los 5 meses de la demanda feicha. El xuez sentencíu que yeran vulnerables ensin alternativa habitacional, ante esto, you tenía dereichu a cobrar de l’alministración una indemnización por esta expropiación del usufructu, mas esta indemnización recibíla un añu depués de qu’esta familia marchara del pisu, abandonara’l pisu estrozándolu, dalgo que nadie me indemnizóu tampoucu, la indemnización tampoucu pagóu esos 5 meses d’impagu de los inquilinos hasta que llegóu’l xuiciu, nin me indemnizaron por tolos gastos llegales (abogáu y procurador) y alministrativos que tuve pa poder conseguir esta ayuda alministrativa. Con todo esto, en tol tiempu que estuvieron esfrutando del pisu, tuve que solventar tolos gastos corrientes, adelantalos porque l’alministración quisou, ñegouse en todu momentu de pagar mes a mes esos gastos d’allugamientu que m’estaban repercutiendo.
Ante esto, estoi talmente contra los desallugos de personas vulnerables, la vivienda está por cima del mercáu, cumo debería ser outros bienes de primeira necesidá, mas craramente son el poder executivu y l’alministración de xusticia los primeiros que fastidian a la sociedá, ya que col sou xeitu d’actuar, alministrar y con tola pachorra que tienen, son los qu’están argumentando a los grupos macarras, partidos de facistas y ultradereicha pa que’l sou mensaxe d’odiu y de miedu calei na sociedá. D’este xeitu, las alministraciones incumplen con un dereichu inalienable cumo una vivienda digna, qu’está sía inculcada y incumprida.
Cumo pequeño propietariu, solo puedo estar a favor de la crase obreira que son los que sofren, cumo you, pos you nun vivou de las rentas sinon de la mia xeira. Ye’l poder executivu y xudicial los que van contra los obreiros y los sous derechos.