CONTRA LA MENTIRA DEL HIDRÓXENU “VERDE”

 ENSIN AUGUA, NUN HAI VIDA

CONTRA LA MENTIRA DEL HIDRÓXENU “VERDE”
Ye una pena llier los panfletos de La Opinión de Zamora qu’oculta, falsifica la rialidá, pos el Hidróxenu mal llamáu verde, nun fá más qu’entoñanos más y más na ruina del mediu rural, más concretu na provincia de Zamora.
Retolicar contra esto, ye’l nuesu dereichu social y deber éticu.
El silenciu de los políticos municipales, de las alministración llocales, ye la sua traición, pos el que calle, otorga, nun son más peones interesaos y precisos pa entoñanos na escasez económica y d’emplegu, entovía más.
Nas instalaciones qu’están plantiando en Corrales, con toda esta falsa propaganda, amuestra toda una mentira, na que’l augua potable ye cadavé más escasa, mísera, pos cadavé hai más nitritos nella, cumo en Casaseca de Campián, que nun se pué beber augua del grifu, y tienen de dir a la fuente con garrafas, poder beber, cocinar… Y eso pasa agora, ensin esti estractivismu, qué pasará cuando se desperdicie l’augua pa esta fatada de hidróxeno “verde”.
Solo quieren arroñanos na cuita del estractivismu, con cadavé más plantas d’enerxía y agro-ganadería industrial y cadavé con menos augua potable. Ya fungamos contra esta instalación dende la comarca, mas ellos solo quieren las perras de las subvenciones pal sou arriquecimientu, non pal provechu del puebru.