BASTA D’AMENAZARAS. BORREAINU D’HIDRÓXENU VERDE. LA CASCARRIA VERDE.

 L'HIDRÓXENU VERDE. 

LA MAYOR ESTAFA DE LA HISTORIA.

BASTA D’AMENAZAS
Da ascu cumo s’inculta todu lo que ye la producción d’Hidróxenu mal llamáu verde, van arroñanos más y más. Nuna ruina que sofrimos cadavé más los trabayadores rurales, nesti casu’l zamoranu. Retolicar contra esto, ye’l nuesu dereichu y deber.
El silenciu de los políticos de las alministraciones locales…ye la sua traición. El que calla, otorga, nun son más que peones precisos pa siguir cola política de los sous superiores, pa entoñanos na escasez, entovía más.
Nel casu de la central que quieren construyir en Corrales, ye la ruina d’una comarca con una augua potable cadavé más escasa, nel que aparez cadavé más contaminantes, cumo nitritos. Esto asocede en Casaseca de Campián, que nun se pué beber l’augua del grifu, y hai que dir a la fuente municipal con garrafas, eso pasa agora n’iviernu, colo que llueve, ¿qué pasará cuando sia branu, y cuando se desperdicie l’augua, pa esta fatada d’hidróxenu verde?
Solo quieren arroñanos na miseria del extractivismu, con cadavé más plantas d’enerxía y cadavé con menos augua potable.
Ya rezungamos contra esta instalación que pretende’l gobiernu cola confederación hidrográfica del Duero, dende la comarca, mas ellos solo quieren las perras de las subvenciones pa la sua comenencia, y siguir arrascando, non pal beneficiu del puebru.