OPONEMOS CONTRA L'AMPLIACIÓN DEL MURADAL DE FRESNO DE LA RIBERA

 

https://medioambiente.jcyl.es/web/jcyl/MedioAmbiente/es/Plantilla100Detalle/1284745686027/Texto%20Generico/1285592587289/Texto

Contra l’ampliación del centru d’almacenamientu de residuos no industriales de Fresno de la Ribera, na carretera a Matilla, na provincia de Zamora. Tenemos mui craros argumentos relacionaos cola salú púbrica, l’impactu ambiental, la calidá de vida y la sostenibilidá del modelu d’alministración de basura.

Estos son los precipales argumentos:

·    -Impactu na Salú Púbrica.

ü Enfermedades: La cercania del muradal al Riu Duero y a las pobraciones cercanas, especialmente si no están administrados correctamente, asóciase con un mayor riesgu d’enfermedades gastrointestinales, andacios estomacales, problemas respiratorios y afecciones del pellexu.

ü Vectores d’enfermedades: Esti morcadal conviértese en focu d’infección que llama a plagas cumo royedores, insectos, fongos y bacterias.

·    -Contaminación Ambiental:

ü   Contaminación del Aire: L’estrumo de basura produz gases d’efectu invernaderu (cumo’l metanu, un gas mui potente) y outros gases tósicos y compuestos orgánicos volátiles (COVs) que favorecen la contaminación atmósférica y favores la posibre muda climática, de la que tantu se fala. El movimientu de maquinaria y el tresporte d’estos residuos también cria polvu, moceñas y partículas en suspensión, mas el consiguiente consumu de combustibles fósiles contaminantes.

ü   Contaminación del augua y tierra: Los líquidos lixiviaos (líquidos contaminados que se forman al pasar l’augua polos residuos) pueden filtrase y contaminar las auguas soterráneas y superficiales, afectando a la flora, la fauna y a la agricultura cercana.

ü   Degradación del Paixaxe y ecosistemas: L’ampliación del esterqueiru ocupa espaciu y degrada’l paisaxe y los hábitats naturales, lo que pué llevar a la esfungación ou desapaición d’especies.

·    -Impactu social y económicu:

ü   Calidá de vida: Los malos olores, el ruidu constante del tráficu de camiones y la presencia visual del voldraque cría molestias significativas a los residentes, fomentando dolores de cabeza, angustia y una reducción significativa de calidá de vida.

ü   Perdá de valor de las propiedades: La proximidá al esterqueiru aminora’l valor de las propiedades llocales y el potencial turísticu de la zona.

·    Modelu d’administración ineficaz: La ampliación del ciminteriu de basura, nun fomenta la reducción, la reutilización y el reciclaje y la valorización enerxética, prioridá que debía ser en muchos llugares, formal y rialmente establecida.

Alternativas y oposición a la Ampliación:

Envede enanchar el muladal, debía buscase alternativas más sostenibles, cumo la costrucción d’instalaciones de tratamientu descentralizadas, el compost de materia orgánica y planes de economía circular de cercanía que minimicen la cantidá de basura que llegan a los morcadales.

Lo que sí está craru, ye que los políticos de la provincia (alcaldes, conceyales, diputaos provinciales, procuradores, diputaos estatales) cuando callan ante tantos proyectos qu’hai d’esta crase que vienen d’arriba, ye porque conceden. Están sintiendo cumo esta provincia, el campu, el rural está siendo tratáu cumo un esterqueiru, con una política rial de facer abandonar el rural pa que se instalen todos estos estaribeles cumo muradales, centrales de merdeiru-gas, macrocortinas de ganáu.

Cuanta menos puebru viva, menos puebru podrá protestar, esa ye la sua filosofía.

Polo que si callan, están interesaos en todo esto.