LA NIEVE DE PESICIA

 

"La nieve de Pesicia" ye un poemariu del outor llionés Roberto González-Quevedo, pubricáu’n 2017 por BaxAmar editores.
La obra ye parte d'una riestra más amplia de la producción del outor que arrodía sobre'l mundu ficticiu de Pesicia, una recriación literaria del sou espaciu natal, na fronteira entre Llión y Asturias, la Llaciana.
Temas precipales:
-Identidá y Territoriu: El llibru esplota la identidá cultural asturllionesa a través del paixaxe y las tradiciones de Pesicia, un puebru qu'el outor ideyaliza cumo un microecosistema.
-La ñieve cumo Símbolu: La ñieve nun ye solo un elementu meteorolóxicu, sinon un símbolu recurrente que representa la naturaleza dura y pura del llugar, la memoria y una seña d'identidá característica del antiguu puebru de pastores al que remite.
-Ficción Pésica: El poemariu enmárcase drento de lo que'l outor y la crítica denominan "ficción pésica" ou "mundu pésicu" que barca tanto poesía cumo narrativa y ye un proyectu literariu coherente y continuáu.
-Memoria y Raíces: A través de los sous versos, González-Quevedo evoca un mundu rural y ancestral, conectáu colas raíces y el xeitu de vida de los sous antepasáos.
 
Contestu de la Obra:
Roberto González-Quevedo ye conocíu pol sou compromisu cola cultura y la llingua asturllionesa. La sua obra "La nieve de Pesicia" ye un esponente d'esta dedicación. L'outor usa'l entornu de Pesicia cumo un llaboratoriu literariu pa cuidar sobre temas universales a través de lo llocal.
 
Cumo se comentaba enantes, esta obra forma parte d'un proyectu literariu más ampliu conocíu cumo la "ficción pésica".
La editorial BaxAmar, con sede en Xixón, encargada de difundir esta y outras obras del outor, pescudan las raíces culturales y llingüísticas del Occidente d'Asturias y Norte de Llión.
Esti poemariu resalta pol sou usu del paisaxe ñeváu cumo un símbolu d'identidá y resistencia cultural nel mundu rural del noroeste peninsular.ç
Outro tema mui a resaltar son las ilustraciones que tié’l poemariu dende la portada hasta la solapa, son muy evocadoras, insinuantes y embelecadoras d’un campu en resistencia cultural n’uñión cola ñieve.
Pa finar con esta reseña, amostramos un cachicu de poesía que más gustóu:
Nieva en Pesicia.
eso yía lo que me dicen,
porque you soi un emigrante
que duerme’l suenu de la distancia.
…
Los qu’agora tais ail.lí,
contáime, por favor,
contáime cómo descienden
de los monte altos los faloupos.