LA GAMETA. CURSU 06/07

 

La gameta. Rebista de ls alunos de lhéngua i cultura mirandesa. 06/07. Cámara de Miranda de l Douro.
Apresentou esta revista del cursu 2006/07, que los alumnos d’esi cursu escribieron, participaron y sobrizaron pa escribir 139 páxinas de toda crase de literatura n’asturllionés de la Tierra de Miranda.
Dizse ser una revista, mas tié la categoría de ser un llibru de tomu y llombu. Mui completa que da gustu llierla, pola variedá de temas y la calidá de la edición, con tolos santos que tié.
Esta revista del cursu 2006/07, escomienza con un escomienzu del “Persidente de l Conseilho Eixecutibo Scuolas de Miranda”, el cual amuestra la importancia que cadavé tié el deprender mirandés entre la pobración más moza, pos cumo diz él, la metá de los alumnos de las escuelas de Miranda, escoyen deprender el mirandés. Polo que, cadavé estos estudios tienen qu’estar más definíos nos conteníos y non depender de los gustos y preferencias del maestru de turnu. Tié que ser una disciplina bien regrada, cumo cualisquier outra, pa siguir con una xeira de futuru, y non tener riesgu d’esapaecer.
La Gameta tié cumo precipal oxetivu la divulgación de la llingua mirandesa pa la pobración más rapá, mas ensin esqueicer que tié unas raíces bien afondas, pos tol mundu menos mozu, enrecuerda cumo diban de rapaces a las tierras p’apañar este frutu, las garrobas cumo se dicían en Zamora, que ricas estaban esgranadas y comidas en verde.
El conteníu d’esti númaru de la revista “LA GAMETA” está formáu por varias partes, y drento de cada una, con un diferiente conteníu.
Escomienza con un “Ancerradeiro”, onde los diferientes profesionales del enseñu de las escuelas mirandesas, amuestran este llabor en papel.
Sigue col apartáu “Cuntando”, onde los neños escriben lo que les parez, tanto cuentos, lliendas, cumo las suas esperiencias, vivencias y consideraciones de la sua vida y el sou entornu.
Depués d’abondos númaros de páxinas, seguimos col apartáu “Zenhando” onde los neños de la escuela, diseñan unos comic en mirandés, con abonda gracia.
Sigue la revista con outru capítulu: “Percurando”, onde fá unos pequenos estudios y entrevistas sobre la capa de honra, la fabricación de teyas y los escriños de Bilasseco.
Acabáu esto, pasamos a las poesías, col capítulu “Sentindo”, bien variadas y bien sentidas de amor hacia la Tierra de Miranda y tolas suas aldeyas, patrimoniu cultural y natural, qu’está todu mui uñíu.
P’acabar un pequeno glosariu, “Pequinho Glossairo mirandés/pertués”
Toda una buena xeira que gustóu y qu’habrá que volver llier.