BARCAS DE PASU NOS RIOS DE LA PROVINCIA DE ZAMORA

 

BARCAS DE PASU NOS RIOS DE LA PROVINCIA DE ZAMORA. 
Las barcas de pasu na provincia de Zamora instaláronse a causa de la escasez de puentes y sirvieron cumo mediu de tresporte fluvial en ríos cumo'l Duero, Esla, Tera y Órbigo. El sou momentu de mayor sidia, esparramóuse hasta la segunda metá del siglu XX, mas decayóu deseguida cola costrucción de puentes. Estas embarcaciones actuaron con un papel fundamental na movilidá rural y comercial hasta que la inxeniería moderna las fizou anticuallas.
-Necesidá histórica: La falta de puentes na provincia de Zamora fizou que las barcas de pasu fueran la solución precisa y económica pa cruciar los rios y permitir el tránsitu de personas y mercancías a lo llargu del tiempu.
-Esparrame xeográficu: Esistieron na mayoría de los ríos de la provincia, inclusive'l Duero, Esla, Tera, Órbigo, Aliste y Tormes.
-Perda d'importancia: La cayída d'estas barcas encalcóuse precipalmente a finales del siglu XIX y na primera metá del siglu XX, cola upa de la construcción de puentes afincaos qu'ofertaban un serviciu más rápidu y seguru.
-Importancia anguaño: Anque la mayoría desapaecieron, l'oficiu de barqueru y l'usu d'estas embarcaciones mantuviéronse en dalgunas aldeyas hasta las últimas décadas del siglu XX. Huei en dia, documentóuse y, en dalgunos casos s’escenificáron cumo iniciativas turísticas, cumo la BarcaZa del Duero en Zamora capital.
Na web furmientu.com: https://furmientu.com/s/Barcas-de-paso-en-los-rios-de-Zamora.pdf), está chuvíu un resumen de la charra que díu Jose Ignaciu Martín Benito en las "XIII Jornadas de Cultura tradicional de Zamora", que se celebraron en Xañeiru del 2015, onde apresentaba la sua xeira documentalista sobre las barcas de pasu, onde cita las barcas de pasu que hubo en diferientes ríos de la provincia de Zamora.
 
Todas estas embarcaciones sirvían pa diferientes funciones:
-Barcas de pasu.
-Barcas de accesu a molinos y cañales.
-Barcas de pescadores.
-Barcas de recreu.
 
Hasta mediaos del siglu XIX, las barcas de pasu fueron propiedá de la aristocracia, del cleru y de los conceyos. Por todo esto, los barqueros yeran arrendatarios ou asalariaos.