LA CIENCIA, N'OTRES PALABRES.

 

La ciencia, n`otres palabres

Xulio Viejo Fernández

ISBN:

978-84-8053-443-7

• Edición: Primera
• Páginas: 200
• Fecha actualización: 29/12/2009
• Idioma: en llingua asturianu central.

 

Aprovechou este espaciu p'amostrar esti pequeno llibru que ye un compendiu de temas científicos que s'arrequeidan en ocho artículos diversos: Xenómica, xenética, ciencias del mar, xeoloxía, tecnoloxía de la informática y de las telecomunicaciones, llingüística y ciencias sociales. Todo esto tratáu con una esquisita delicadeza, en llingua asturllionesa, na sua variante central que ye la que se fala pol centru d'Asturias.

 

Talu cumo diz l'apresentación:

"La sociedá moderna basa’l progresu nel conocimientu científicu de la realidá, lo qu’inclúi dende la comprensión de la naturaleza hasta la propia condición humana. Nos anicios del nuevu mileniu l’accesu y el control d’esti conocimientu ye la base del desenrollu de cualaquier sociedá. Pero la evolución científica y técnica que manda nesti procesu de desenvolvimientu nun hai que la desaniciar del patrimoniu cognitivu y vivencial de los pueblos, yá que, a la fin, esi desenrollu nun ye productu del trabayu d’unes élites aisllaes, sinón el resultáu de la evolución natural de la intelixencia crítica y creadora que fai destremar l’humanu de los demás seres del universu.

Los autores de los artículos conteníos nesti volume –toos ellos dedicaos profesionalmente a la ciencia–, sabedores de que’l llinguaxe ye la más alta y afechisca ferramienta d’entendimientu y posibilidá de tresformación de la realidá, quieren equí testimoniar el so compromisu pa col asturianu y la so supervivencia histórica, conscientes de les dificultaes que l’asturianu tuvo pa desenvolvese y consolidase nel discursu científicu y filosóficu"

Esti llibru documenta'l desendolque históricu de la ciencia, la técnica y la tecnoloxía, asina cumo la interrelacción que tuvieron las tres entre si col restu de los aspectos culturales a nivel mundial, cumo son la economía, la sociedá, la política, la relixón y la ideoloxía, etc.

Vivimos arrodiaos de ciencia. Cadavé semus más conscientes de que tenemos teléfonos, melicinas, augua potable y una llarga riestra de avances qu'ameyoran las nuesas vidas cotidianas gracias a la investigación. Mas quiciás nun tenemos tan presente outro regalu igual d'importante que nos fá'l mundu científicu: la criación de miles de palabra y térmanos que, nos últimos siglos, fueron entrando nel nuesu vocabulariu.

Polo que debemos pescudar:

¿Cúmo llegaron hasta nós estas palabras? ¿En qué momentu fueron criadas y con qué criteriu?