CONSIDERACIÓN SOBRE LAS NUEVAS TECNOLOXÍAS, ANGUAÑO.

 

Consideración sobre las nuevas tecnoloxías, anguaño.

Las nuevas tecnoloxías están criando desemplegu nel sector servicios, siendo este sector el que más trabayadores contrataba. Polo qu’estas tecnoloxías dixitales están apiorando un problema cadavé más de falta d’emplegu. Mas rialmente este nun ye la causa precipal de desemplegu. Ya que si nos preocupamos pol desempleu que cría la tecnoloxía, deberíamos siguir trabayando artesanalmente nel campu, arando, aricando, segando; trillando y llimpiando nas eras, na senara tolos branos, cumo facía los nuesos padres y tolos nuesos antepasáos. Trabayos mui duros, mas con las nuevas tecnoloxías que se fueron imponiendo, fomentaron mui… muchu'l desemplegu agrariu.

Las tecnoloxías nun son malas, de primeras. Mas l’sou usu pué ser nefastu.

Y la perda d'emplegu y las criación de desemplegu nel sector servicios, nun ye’l problema, pos trabayu hai a esgaya, outra cuestión ye que nun se quiera pagar, que nun les interese al Estáu y al capitalismu escotar lo que cuesta y fomentalu.

Nel rural y na ciudá, sigue habiendo muchas necesidades pa evitar la soledá y abandonu de los mayores, evitar los incendios, mantenimientu del mediu natural, la agricultura y ganadería ecolóxica, más trashumancia, cariu y ganadería estensiva; una industria y una alministración descentralizada, etc. Todo esto nun cría emplegu, porque nun se paga, anque ye precisu socialmente. A mayores, tié un valor d’usu que cría riqueza social, a mayores de todo esto, facilitaría la vida nas ciudades tan masificadas.