ENSIN TREN, NUN HAI DEMOCRACIA.

 

ENSIN TREN, NUN HAI DEMOCRACIA.

Cuando s’está falando continuamente de la perda de servicios ferroviarios, cumo está asocediendo na provincia de Zamora, más concretamente en Senabria, siempre tiran los burócratas políticos que nos gobiernan de que todo esto ye una perda económica, mas nun quieren entran nel fondu de la cuestión.

Dalgu está bien craru, ensin servicios púbricos nin emplegu, nun pué haber democracia, los trabayadores rurales nun podemos participar democráticamente ensin tener cubiertas estas necesidades, y por eso acabamos nel caciquismu, pa poder apañar favores de personales, cuando ye difícil conseguilos colectivamente nas necesidades sociales, y muchas veces con represión.

Con todu esto, tamién consigue tantu’l facismu de dereichas cumo’l socialfacismu, que ye pior, que estemos separtaos, dividíos, y d’esti xeitu fomentan cadavé más l’individualismu, amparan la llei de la selva, p’atacanos unos a outros pola migayas que nos quieran dar los capitalistas.

Nesti casu concretu del tren, este nun podrá ser social, si ye de alta velocidá, pa quienes pueden pagalu, y a mayores cumol’ Estáu d’anguañu, qu’amuestra cadavé más, directamente la sua esencia facista, busca más y más beneficios económicos y non sociales, dificultando’l usu de bonos, con horarios cadavé más antillaborales. Asina quien pueda usalu, pagar el billete enteru, y tener más llugares pa los turistas.

L’únicu tren que vertebra’l territoriu, y da serviciu al rural, pos da más serviciu a más paradas de lo que ye l’alta velocidá, solo ye’l tren convencional, qu’ameyoráu nas instalaciones pué servir mui bien a las nuesas necesidades, anque tardara un poucu más. Mas la rialidá ye qu’esbardialaron el nuesu diñeiru y estrozaron el nuesu territoriu y naturaleza pal serviciu de los capitalistas, tantu las costructoras cumo quienes s’aprovechan del serviciu ferroviariu, que pueden pagar pa dir a la capital.