EL SUICIDIU DE CRASES.

 https://www.noticiaszamora.es/2025/06/16/fallece-con-tan-solo-48-anos-dep-luto-en-un-pueblo-de-zamora-de-195-habitantes/

Acabou d'enterame que murríu un compañeiru.

Suicidóuse porque quería emprender na tierra rural de las oportunidades que nos pubricita los cargos políticos de la Diputación.

Soñóu con producir en Bretocino, criar actividá económica productiva non especulativa, produciendo lleche de oveya, la materia prima pa la sua pequeiña quesería.

El sou pecáu fúi nun asumir que los trabayadores nos podemos arroñar, que nun tenemos el sobrizu del Estáu, que tienen los capitalistas especuladores de los monopolios colas suas uñiones d'intereses colos burócratas del Estáu. Ellos siempre amparaos colos nuesos impuestos.

Él quería trabayar, asistir cols sua xeira a la sociedá, y poder vivir del sou trabayu.

Nun pudo aguantar la galoya del capitalismu y la sua galucha del emprendimientu.

Pudo dirle bien, mas cumo la mayoría le fúi mal, y nun pudo resistir la humillación del bancu: Arroñar a la familia que l'avalóu y sabese reconocer qu´él ye solo una víctima del sistema.

Nun pudo más y s'aforcóu.

El sou pecáu, Culpabilizase de todu.

La vida está enllena de griescas.

Las suas deudas queidarán heredadas.

El capitalismu seguirá engaluchando y arroñando.

Nun entendíu'l sistema nin supo lluchar en contra d'él.

Morrir, morriremos mas siempre ye meyor, morrir lluchando. Pos ellos, los capitalistas nunca esqueizan que la historia ye una griesca de crases y d'opresión contra los trabayadores.

Todos mis enrecuerdos por un compañeiru y pola sua viuda, tamién compañeira.

Quiciás sias de los que cuidan lo mesmu, que los cargos políticos de la deputación cuando dicen: Esto ye... esto ye'l mercáu, amigos.

https://www.zamoranews.com/articulo/provincia/manueco-reivindica-papel-zamora-como-tierra-oportunidades-dia-provincia/20250614140235336611.html

https://www.noticiaszamora.es/2025/06/16/fallece-con-tan-solo-48-anos-dep-luto-en-un-pueblo-de-zamora-de-195-habitantes/