MARX Y LA RELIXÓN: L'OPIU DEL PUEBRU.

 

 

https://filosofianaescola.com/politica/marx-e-a-religiao-o-opio-do-povo/

Marx y la relixón: L’opiu del puebru.

William Godoy

OPIU DEL PUEBRU.

¿Por qué las personas siguen una relixón? ¿Porque creyen nun Dious? Pa muchos la respuesta sería porque ese Dious existe y ye’l meyor xeitu de vivir, y siguir sous enseños. Todo esto abarca en cumo actuar moralmente; cumo facer los ritos, cumo agradecer, etc.

Karl Marx (1818-1883) forma parte d’un grupu de filósofos que parten del presupuestu qu’ese Dious nun existe. Estos piensan que nun existe namás allá de la rialidá material na que vivimos. Esa ye una concepción del mundu que rucha del materialismu.

Entuences, este coloca’l siguiente problema en relación a la creyencia relixosa. ¿Si Dious y todu’l mundu sobrenatural relacionada cola relixón nun existe, por qué las personas insisten en creyer neso? A la final, toda sociedá tié una relixón. ¿Por qué, pa usar una expresión de Marx, esa falsa conciencia está tan difundida?

Relixón y socieda de crases.

Pa Marx, la relixón existe porque esta cumpre una función social importante: facer que las personas soporten el sofrimientu de la vida y se conformen cola sua condición social.

D’alcuerdu con ese filósofu, la sociedá capitalista está dividida en crases, trabayadores y empresarios. Y entre esas crases hai una relación de dominación y exploración. Los empresarios viven una vida confortable y con riqueza n’abundancia, entanto los trabayadores tienen qu’aguantar el trabayu baldáu y la miseria.

Marx vivíu durgante’l iniciu de la Revolución Industrial y conocíu cumo yera’l trabayu nas fábricas inglesas del siglu XIX. Esta duraba unos 12, 14 y hasta 18 horas por dia. Nun había restricción d’edá, entós la rapaciada tamién trabayaba. Amás d’eso, l’Estáu nun ofrecía una rede d’asistencia pa situaciones cumo desemplegu, vieyera, accidentes y outras situaciones nas qu’el trabayador queidaba incapacitáu.

A pesar del sou trabayu árduo y de las condiciones alversas, solo una pequeiña parte de la riqueza producida queidaba colos productores. Pagando salarios baixísimos, los empresarios queidaban cola mayor parte de la riqueza producida nas fábricas. Nesa situación, la diferencia entre riqueza y misería yera marcante.

Marx llama explotación a ese procesu nel que empresarios quéidanse con buena parte de la riqueza producida polos trabayadores. ¿Y pergúntase, porque estos nun se revuelven contra la sua condición, toman las fábricas, ordenan la producción y apañan los frutos del sou propiu trabayu? ¿Cúmo pueden soportar una vida tan difícil?

Ye equí qu’entra la relixón y outras ideoloxías. Estas contribuyen a facer qu’el trabayador acepte la sua mísera condición, envede optar pola revuelta.

Relixón cumo ópiu del puebru.

L’opiu ye una droga con efectu anestésicu. Sou consumu torna que sia más tolerable dolorosas ou situaciones de gran sofrimientu físicu.

Marx afirmaba que “la relixón ye’l ópiu del puebru”. Con eso quería dicir que esta sirve cumo anestésicu pal sofrimientu que padez los trabayadores.

Nas suas palabras:

“La relixón ye’l suspiru de la criatura oprimida, el corazón del mundu ensin corazón y el espíritu de las condiciones de vida ensin espíritu. Esto ye’l opiu del puebru”

La relixón de la que fala neste textu Marx ye la cristiana. D’alcuerdu con esta, la vida na tierra ye marcada pol sofrimientu, culpa del pecáu orixinal. On asina, todos aquellos que viven correctamente pueden contar con una vida perfecta depués de la muerte.

Marx parez insinuar con ese analís qu’estas creyencias relixosas ofrecen dalgún acomodu a los trabayadores explotaos. La experanza d’un futuru de felecidá eterna ye “el suspiru de la criatura oprimida”, un soliviu momentáneu del sofrimientu diariu.

D’esta perspectiva, la relixón ye adoptada porque sirve pa una necesidá psicolósica de las crases más desamparadas de la sociedá. Personas en condiciones de vida míseras cumo los trabayadores ingleses tienen una motivación fuerte pa creyer que todu eso que fala la relixón sia verdá. Pos esa creyencia tié un efectu anestésicu: torna soportable al sofrimientu.

Relixón cumo ferramienta de dominación.

¿Por qué trabayadores que vivían na misería nun se revuelven contra’l Estáu y demandan una vida meyor? Equí entra outra función de la relixón: mantener todos sumisos.

Marx tamién vía la relixón cumo una ferramienta usada pola crases más favorecidas de la sociedá pa mantener la sua posición de dominación. Este outor afirma que la relixón fomenta “el mansarelu, l’autodispreciu, el rebaxamientu, la sumisión y la humildá”.

Neste casu, la existencia de la relixón ye explicada por atender a los intereses de la crase dominante, consiguiendo mantenelos a todos pacíficos. La relixón ye difundida entre los trabayadores polos empresario porque fomenta un comportamientu humilde. D’ese xeitu, mandoguiando las creyencias de los trabayadores, los patronos son capaces de mantenelos sumisos.

Al lláu de Freud y Nietsche, Marx fúi consideráu unu de los “maestros del aberruntu”. El sou analís de la relixón ilustra la razón de la frase inicial.

Al buscar las causas sociales de la relixón, Marx aberrunta sobre los motivos de que las personas dicen tener la razón en creyer. La mayoría de las personas dicen que creyen na relixón porque Dious existe. ¿Mas nun estarán estas enzoladas? ¿Nun será esa una ilusión de la sua conciencia?

Aberruntando que lo que pescudamos, pué ser motivu que nos lleva adoptar la creyencia, Marx busca una explicación social pa la relixón. Atoupa por un llau, la necesidá d’acomodu de la crase trabayadora nun mundu ensin corazón, enllenu de sofrimientu. Por outru, nel interés d’una crase favorecida en mantener las relaciones de dominación.

Referencias:

Elster, John. Marx, Hoje. Rio de Janeiro: Paz e Terra, 1989.