LA ACTUALIDÁ DEL MANIFIESTU COMUNISTA

 

L’actualidá del manifiestu comunista.
https://www.pcp.pt/publica/edicoes/25501144/indice.html
... El proletariáu usará la sua dominación política p’arrincar de poucu a poucu tol capital a la burguesía, pa centralizar tolas ferramientas de producción en manu del Estáu, asina el proletariáu organizáu cumo crase dominante, facerá multiplicar lo más rápidamente posible la masa de las fuerzas de producción.
Naturalmente esto solo pué acontecer primeramente por mediu d’una intervención despótica directamente nas propiedades y nas relaciones de producción burguesas, a través de midías qu’actuen nos medios qu’economicamente parecen insuficientes y insustentables pa qu’el que nel trascursu del movimientu puedan dir por si mesmas, ya que son inevitables cumo medios de revolucionamientu de todo’l xeitu de producción.
Estas midías serán naturalmente diversas según los diversos países.
Pa los países más avanzaos, sobre todu, podrán ser aplicadas d’un xeitu abondu xeneral, las siguientes midías:
1.        Espropiación de la propiedá de la tierra y l’empleu de las rentas de la tierra pa gastos del Estáu.
2.        Fuerte impuestu progresivu.
3.        Abolición del dereichu de herencia.
4.        Confiscación de la propiedá de tolos emigrantes y rebeldes.
5.        Centralización del crédito en manos del Estáu, a través d’un bancu nacional con capital de Estáu y monopoliu exclusivu.
6.        Centralización del sistema de tresportes nas manos del Estáu.
7.        Multiplicación de las fábricas nacionales, de las ferramientas de producción, con rozadas y meyoras de los terrenos d’alcuerdu con un plan comunal.
8.        Obligatoriedá del trabayu pa todos, instaurar los exercitos industriales, n’especial pa l’agricultura.
9.        Uñificación de la esplotación de la agricultura y de la industria, actuación con vista a la eliminación gradual de la diferencia entre ciudá y campu.
10.      Educación púbrica y de baldre de tolos rapaces. Eliminación del trabayu de la rapaciada nas fábricas na sua forma moderna. Uñificación de la educación cola producción material, etc.
Trasfulgadas nel cursu del desenvolmientu de las diferiencias de crases y concentrada tola producción nas manos de individuos asociaos, el poder púbricu pierde el carácter políticu. Nel sou sentíu propiu, pierde’l poder políticu y el poder organizáu por una crase pa oprimir a outra. El proletariáu na griesca contra la burguesía necesariamente s’uñificará en crase, nuna revolución se facerá crase dominante, suprimirá violentamente las vieyas relaciones de producción, en consecuencia suprimirá xuntu con estas relaciones de producción las condiciones d’esistencia de la oposición de crases, las crases en xeneral, y, con esto, la sua propia dominación cumo crase.
En llugar de la vieya sociedá burguesa colas suas crases y oposiciones de crase, entra nuna asociación en qu’el llibre desenvolvimientu de cadaún ye la condición pal llibre desenvolvimientu de todos.