EL BUENISMU NA RAPACIADA.

 

EL BUENISMU NA RAPACIADA.

Fálase a veces sobre la conciencia social de la rapaciada, por experiencia, los rapaces cumo tolos estratos sociales, son diferientes dependiendo de la sua procedencia. Mas está craru qu’aquellos qu’estudian en centros de formación profesional, tienen más cercanu’l mundu llaboral y tola sua problemática social y de crase, polo que se pué considerar que pueden ser más empáticos, con más probabilidades de sentimientos de solidaridá y sobrizu social.

Mas estos sentimientos citaos entre la rapaciada más concienciada, están dominaos por una cultura de la buena voluntá, el voluntarismu, nel que nun se véi, nin se busca las causas d’esta problemáticas, nin se plantían que puedan ser inxusticias, sinon sucesos qu’ocurren, polo que nin se cuidan si hai dalgu que las causa, nin se considera si son inamovibles, ou pué meyorar ou apiorar, yá que todo aqueillu que pueda significar confrontación cola infraestructura socioeconómica, inhínbese na conciencia, nas reguniones, nos grupos, na rellación social.

Y estoi falando de colectivos qu’estudian ciencias y problemas sociales, pa intervenir y trabayar socialmente con colectivos con necesidades y problemas sociales, y nestas aulas se fala de participación, acción y tresformación social.

Cualisquier mensaxe que se tresmite d’experiencias y opresiones, nun se percibe comeniente, se prefier ignoralu, por inservibles.

Rialmente, este buenismu, ye dicir la creyencia de que los problemas pueden amañase a traviés del diálogu, la misericordia y la tolerancia, pos solo plantía soluciones individuales a problemas sociales, y obvia cualisquier outro mediu.

Anguaño, na enseñanza nun se plantía nenguna actitú crética nin de debate social.