ESCOMIENZU: L’Existencialismu ye un Humanismu. Jean-Paul Sartre.

https://we.riseup.net/assets/455403/Existencialismo.pdf

 

L’Existencialismu ye un Humanismu.

Jean-Paul Sartre.

Fonte: L’Existentialisme est un Humanisme, Les Éditions Nagel, Paris, 1970.

 

Escomienzu.

 

Con Paris llibre de los nazis dende agostu de 1944, estando la Segunda Guerra Mundial acabada un añu depués, en 1945, la llibertá reconquistada, la ciudá víuse en mediu de intensas polémicas ideolóxicas, filosóficas y intelectuales. Aconceyáronse, finalmente, las condiciones oxetivas pa que’l existencialismu “explotase” nel escenariu parisinu, ganando parte del mundu a partir d’ellí.

La edición del 29 de outubre de 1945 nel Le Monde anuncíu una conferencia de Sartre intitulada “Existencialismu ye un Humanismu”, na que diría exponiendo los precipios xenerales de la sua filosofía. El sucesu encismóu una extraordinaria sorpresa nos medios cultos. “Tout Paris” concurríu pa velu. Tornóuse un sucesu cultural impresionante, pos esciscóu l’atracción cumo si fuera un espectáculu deportivu, cola sua secuela de tumultos, pescozones, codazos y cadriles quebradas. Sartre, al ver aquello apiñau de xente, cuidóu que yera una manifestación de los comunistas escontra él.

L’acontecimientu viróu en defensa hacia los sous opositores y una explicación didáctica, centrada nuna divulgación a un gran púbricu. Dalgu más bien detalláu de lo que ficera enantes, sobre’l mesmu tema, empuntiáu hacia Jean Paulhan, pa responder “ ¿qué ye’l existencialismu?

Dicía entós na misiva: “L’home debe criar la sua propia esencia; enratándose nel mundu, en griesca; cumo pouco a pouco se define... l’angustia, lloñe d’ofrecer un pilancu a la acción, ye la propia condición d’esta... El home solo pué actuar si comprende que cuenta exclusivamente consigo mesmu, qu’está solu y abandonaú nel nundu, nel mediu de las responsabilidades infinitas, ensin sobrizu nin socorru, ensin outru oxetivu que querese, ensin outro destinu acullá que embodonase, equí cola tierra”

Cuando la conferencia fúi pubricada integramente en 1946, esta tornóuse nel Catecismu del Existencialismu, sirviendu dende entós cumo una síntesis de las ideyas esenciales de Sartre.