EN TOLAS GUERRAS, PIERDEN LOS PUEBROS, LOS TRABAYADORES Y LAS SUAS FAMILIAS.
EN
TOLAS GUERRAS, PIERDEN LOS PUEBROS, LOS TRABAYADORES Y LAS SUAS FAMILIAS.
Esta
frase tán típica, nun la podemos esqueicer nunca, pos ye la verdá total.
Pero
esta verdá total, nun explica qué razones, quienes inician las guerras, cuáles
son las causas de la guerra y quien pué tener, a pesar de los pesares, más
argumentos, ou tamién quién ye quién, quién se defiende, y quién el primer
agresor, nuna griesca.
Nel
casu de la guerra n’Ucrania, con tanta y tanta propaganda, nun deixan pensar, cuidar,
aberruntar para pescudar l’orixen, las causas, el porqué.
Esta
xeira fácenla mui bien los medios masivos de prensa que tenemos equí, tantu qu’inclusive
na nuesa guerra precursora de la 2ª guerra mundial, la nuesa guerra civil,
véndenos la imaxen de que naide tuvu la culpa, que fúi entre hermanos, que fúi
una guerra ruchada de la nada. Y eso sigue anguaño, cuando siguen repitiendo qu’había
dous bandos, ún nacional y outro repubricanu.
Mas,
tenemos que considerar que cuando los nuesos antepasáos antifacistas aguardaban
la intervención de los Estaos occidentales que ganaron la 2ª guerra mundial escontra’l
facismu, p’entoñar al franquismu que resultóu’l vencedor d’un golpe militar empuntiáu
por ellos, que fúi compañeiru de nazis y facistas, y participóu na campaña
antisoviética. Deseaban el sou sobrizu pa volver a la llegalidá repubricana y
democrática.
Con
esta ideya, que sabemos y que tolos repubricanos y demócratas que semos,
estaríamos d’alcuerdo, en que una intervención extranxeira invadiera la España los
años 40 pa que volviera la democracia, parez que n’Ucrania nun nos parez igual
de bien, cuando Rusia interviene debido al continuu masicidiu que sofría la
pobración rusa que se decrararon en rebeldía escontra un Estáu ucranianu que col
sobrizu de la OTAN, estaba reprimiendo y matando a muchas personas por ser d’esquierdas,
sindicalistas y de fala y sentimientu rusu.
Equí
queida esta reflexón, pa que la consideremos digna a tener, cumo propia.
Pos
anque Putin diz, cuenta y fá lo que sía, l’Estáu y Rusia ye más qu’él, al igual
que la guerra nun escomenzóu l’añu pasáu, cola invasión rusa, mas bien enantes
col golpe d’Estáu que sobrizóu y fomentóu Estáos Uñios.
Comentários