CUANDO LAS MONXAS CANDONGAS SE DEVIERTEN SEDUCTORAS, Y LOS FLAIRES ENRÉDANSE’N RONDAS DE CALENTURA.
CUANDO
LAS MONXAS CANDONGAS SE DEVIERTEN SEDUCTORAS, Y LOS FLAIRES ENRÉDANSE’N RONDAS
DE CALENTURA.
Con
un magníficu escomienzu descriptivu de la razón pola qu’escribe este cuentu de
fantasía erótica y amorosa, mui llevemente basada nuna denuncia clerical en
llingua romance,que narraba someramente un posibre feichu rial que se denuncíu
escontra los dominicos y las dueñas.
Todu
drentu d’una historia y un contextu históricu de griescas entre la diócesis y
la orden de predicadores na ciudá de Zamora, y cumo a la final resulta
contrariu al xefe d’estos dominicos.
Uñíu
a esto, un detalle más a esperpejar nos primeiros cuatru capítulos, qu’en base
a la fábula fantasiosa de la sirena del amor, qu’ascapóu de la Ilesia
d’Olivares pa chiscar d’amor y amaniu a tola ciudá, a través de las suas
auguas, enllegando más concretamente a las monxas y a los flaires.
Con
estas zambullidas de la sirena nel riu, escomienza’l cuentu al xeitu d’El
Decamerón, onde’l pesque del enredo’n buscar, aparecer, esfungase, enzolar y amonase
del outru y de la outra, nun tiempu de llocura lluxiriusa, son las ocasiones fundamentales,
a resaltar.
Porque
este tiempu pasa, y va en contra de todos, pos hai qu’aprovechalos tantu vieyos
cumo mozos, l’amante vieyu que siente cumo termina la sua hora, y l’amante
nuevu que busca beber todu momentu, nel intre.
“Murnia
yera la brevedá de la vida ya melancólica la decisión irreversible pa ser feliz
y nun lo ser”
Gracias
a esta sirena, alagua d’amor y erotismu a la ciudá, y entra nas escuras
cárceles conventuales de la Ilesia, onde tamién reina’l lesbianismu clandestinu.
Si
esto lo fizou, una simple sirena d’Olivares, siempre un barriu humilde d’extramuros
de trabayadores, que tantu más pudou facer la sirenas de dobre cola, qu’están drentu
ciudá.
Comentários