LOS RAPACES Y LAS RANAS.
LOS RAPACES Y LAS RANAS.
Tres rapacicos envéde dir a la escuela, s’entretenían cerca d’una llagona planíando mil picias.
Baldaos de correr y d’engarabitase, allegáronse a la oriella d’una llagona na que había muchas ranas. Ellí prosiguieron la sua diversión, acantiando a los indefensos batracios, encuantis asomaban la morra de l’augua.
Cuantu desafrutaban de la llibertá, engayolaos, mas una de las ranas, -si qu’asi la más sesuda de todas-, mortificada pola maldá de los rapaces, sacóu un poucu la testera del líquidu elementu y esgañitóuse:
-¡Eh, rapaces! Polo vistu nun tenéis presente que lo que a vós devierte, a nós causa la muerte. Marchái a la escuela y nun nos causeis la estrucción nin la esnera.
Quien maltrata a un animal
Nun amuestra buena natural.
Comentários