L’EXÉRCITU ESPAÑOL NUNCA DEFENDÍU FRONTEIRAS.

 

L’EXÉRCITU ESPAÑOL NUNCA DEFENDÍU FRONTEIRAS.

L’Exércitu de los reinos d’España, cuando s’unificaron nun poder estatal y perdieron l’imperiu, pué dicise casi con tola craridá, cumo’l cielu estenu que huei mesmu estoi almirando, nun consiguíu nunca defender las fronteiras frente a un verdadeiru exércitu estructuráu d’outru poder estatal, y lo únicu que ficieron fúi ser banda armada de militares golpistas, qu’empagu tamién estaban al serviciu de los monopolios capitalistas, tanto financieros cumo agrícolas.

Eso vése mui bien, dende la griesca con Estáos Uñíos en Cuba, hasta llegar a la griesca con Marruecos nel casu del Sahara, pasando pol golpe d’Estáu del 36 y la dictadura. Estos son los que más s’enllena las boucas de palabras arguyosas y clamuras d’Esssspaña.

Rialmente “el nuesu exercitu”, porque lo pagamos los trabayadores, furrulan más cumo policía armada represivamente masiva qu’actúa en momentos cuando la policía nacional nun consigue controlar a la pobración urbana. Nel campu, equí nun s’andan con nengún caretu, pos los militares están talmente presentes cola Guardia C.. Y cuando l’exércitu está’n misiones exteriores, nun son más que criaos serviles de la OTAN.