LAS LLEBRES Y LAS RANAS

 

LAS LLEBRES Y LAS RANAS.

Aconceyadas un dia las llebres, queixábanse de la sua vida cuitadica y atestayada; pos n'efectu dicían ser presa de los homes, de los perros, de las aiglas y por más ñemigos.

Depués de llarga batumbera, las míseras llebres alcordaron morrir d'una vé y non siguir viviendo nel resquiciu.

Entuences s'empuntiaron todas al mesmu tiempu a una mesma buchina, pa morrir afogadas neste.

Unas ranas qu'estaban fincadas cerca de la buchina, en cuantis guiparon la oullariza de tanta catropea, se tiraron a l'augua.

Neso una de las llebres, al parecer la más pispa de todas, esgañitóuse:

¡Parái, compañeiras! Nun nos aviemos, pos ya podeis ver qu'entovía hai animales más cuidadicos que nós.

Mal de muchos,

consuelu de fatos.