EL LLIÓN Y EL XABARIL

 

EL LLIÓN Y EL XABARIL.

Llegáu'l sofocante branu, en qu'el calor da tremenda secura, un llión y un xabaril fueron a la mesma fuente.

Escutieron sobre cuál de los dous bebería primeiru y, al non avenise, enratáronse nuna feroz griesca.

Baldaos, pararon pa resollar y oservaron una ñuble d'avantones qu'aguardaban pa estazar al derrotáu.

Ante tan grave peligru, acabaron la griesca y alcordaron:

-¡Vaya, que fatos semos! Ye meyor facenos amigos que servir de comida p'aventos, utres y grayos.

Mas val, acabar colas quimeras, pos mui a menudu la fin ye fatal pa ambas partes.

Si vivir en paz deseas,

pon lliende a las tuas griescas.