A JULIÁN, UN VECINU.
Cuando
la vecindá ye cadavé más escasu, l’atoupar vecinos ye una xeira mui costosa, mas
Julián fúi vecinu siempre.
Abondu
cuzo, cumo en tolos llugares, y más cuando yéramos los nuevos folasteiros qu’apaecieron
por equí. Tenía que guipanos.
Él
cumo la sua muyer siempre nos sobrizóu cuando más lo precisábamos, na enfermedá.
Y cumo non, tamién na gayola, pos las fiestas tenía que celebralas, bien guapu,
que se ponía col sou traxe cumo nuevu, que debía tener acomatáu mui al fondu d’almariu.
Siempre
m’enrecordaba cumo sou padre yera repubricanu, qu’estuvo na sublevación de Jaca, en
1930. Él que fúi afiliáu a la UGT, tuvu que tornar a facer la mili, na guerra
nel bandu golpista. Siempre fúi un exiliáu interior ante un réxime facista, y un
caciquismu añusgador y clerical.
Talu
cumo dicía, nesta aldeya tamién se chubíu la bandeira repubricana, cola gayola del
sou apregonamientu.
Gracias
a él, dalgu pudo facese, escontra la costrucción de la macroexplotación porcina
de más de siete mil marranos que querían instalar cerca del puebru, y gracias...,
está parada temporalmente.
Van
pasando los años, y los meyores van faltando, nuna sociedá tan cuitadica
moralmente.
Con
él, hasta que pudo mantenela, estaba Toresana, una preciosa burra, bien afalagadora
y seductora, cumo tolas de la sua raza zamorana-llionesa.
¡Cuantu
t’amurniamos!
Comentários