LA DESLLOCALIZACIÓN VARIADA
LA DESLLOCALIZACIÓN
La desllocalización nun
deixa de ser un anglicismu que pretende explicar cumo marchan capitales,
capacidad productiva d’un país del “1er . mundo o ún subdesendolcáu, cola
pretensión d’allugar fuerza de trabayu más baratas que nos obreiros de los paises
más desendolcaos.
Eso sigue asocediendo especialmente en
sectores de poucu valor añedíu y pouca innovación tecnolóxica, cumo pasaba
enantes, cuando yera ciertas zonas d’España quienes recebían inversión en
fábricas automovilísticas, por exemplu.
Y sigue pasando, yá en menor midía en China, pos
los gastos de trasporte y lloxística, ciertos sectores productivos nun les
interesa producir acullá. Este fenómenu, a mayores, los Estaos sobrizan de
continuo a corporaciones industriales, especialmente de vehículos pa que nun se
trasladen a outros países.
On asín, ciertas corporaciones industriales
siguen amenazarándo cada poucu’n marchar de países cumo España a outros países
más benevolentes en salarios, cumo Pertual, qu’estan drento de la Unión
Europea, y qu’usan tamién loxística española, p’arramar los sous productos a
toda Europa.
Esto tamién cuadra en sectores agrícolas, hortícolas
pa más señas, que se producen más baratos en Marruecos, por exemplu, que tien
un tratu privilexáu cola Uñion Europea, debido nun solamente pola baratura de
la fuerza de llabor, sinon tamién porque la llexislación medioambiental ye inda
menos impositiva que n’España. Asina, está arroñándose comarcas y muchos
llabradores, debido a los precios de orixe d’estos alimentos, que tamién, agora
se complica on más, la falta d’exportación a Rusia, por estas rellaciones
internaciones que tié l’Estau, n’uñión cola OTAN.
Mas, xunto a esto, está tamién asocediendo lo
contrario, que fondos de inversión de capitales de terceros países cumo Turquía,
que nun se pué dicir que mui desenvueltos que quieren invertir y producir neste
país, más concretamente na autonomía de Castiella y Llión.
Cumo nel casu de Siro en Toro (Zamora) que s’amenazara
con pechar esta factoría por culpa d’un monopoliu de la distribución, cumo
Mercadona, qu’acapara tola producción y presiona al sou favor, los pagos y los
precios de los productos, hasta casi añusgar a la empresa.
A mayores d’esto, hai un fondu d’inversión
turcu que tié planiáu, parez que mui seriamente invertir en Valladolí, pa
costruyir una factoría productiva d’autobuses eléctricos.
Estoi oservando, cumo tamién en ciertos
aspectos industriales, especialmente nel trasporte, Turquía está exportando
vehículos, especialmente autobuses, con marca propia OTOKAR hacia España, que
parez que son tamién más asequibles pa las empresas de trasporte.
Comentários