LA LLITERATURA SOCIAL Y LLITERATURA SOCIALISTA.

 

LA LLITERATURA SOCIAL Y LLITERATURA SOCIALISTA.

Una de las custiones fundamentales de la nuesa vida ye’l cultivu tanto del cuerpu cumo de la mente. Y la cultura ye esencial pa la nuesa vida en sociedá, y mas cuando se quier trasformase esta.

Nesto, cumo un mediu bien  curiosu, fácil anquen un del todu fiable, mas bien entreteníu, de deprender historia, la rialidá, tantu la teoría cumo la práctica social, ye la llectura de la lliteratura.

Nesta, pué diferenciase craramente dous crases:

-La lliteratura social, ye na que está la novela social precipalmente, con magníficas obras del siglu XIX, entre estos escritores cumo Zola, Chejov, Galdos, Emilia Pardo Bazán, etc. Hasta los nuesos días, simpremente fueron mudando l’estilu y la forma de contar  una historia y tolas sohistorias sociales y colectivas que suceden nun conflictu y territoriu, nel que podemos encalcar, Jesús Fernandez Santos, Jesús López Pacheco, Miguel Delibes, Camilo José Cela, inclusive…, que tamién estos escribían sobre desigualdades sociales, nas suas épocas.

Cada unu d’estos, ufiertan unos relatos sociales sobre las vidas personales típicas de los estratos populares, tanto entre ellos cumo con respectu y cola influencia de la burguesía y l’aparatu del Estáu.

Esta lliteratura, debido a que podía empatizar a los sous outores colas inxusticias que sofrían los campusinos y los obreiros, siempre queidaba un regustu, pesimista y fatalista tantu de la imposibilidá de que nada mude, que todu vaiga a pior, cumo nas muchas veces añoran un posibre pasáu heroicu frente a la modernidá, regustando un ciertu sentimientu tráxicu-existencialista de la vida.

Nesta lliteratura muchas veces  el distanciamientu que tié l’escritor en cada escena que describe, evita que nun se caiga nel maniqueísmu.

La lliteratura social ye productu de momentos históricos bien concretos, de griescas sociales y de procesos revolucionarios. Por eso, esencialmente aparez la crase obreira revolviéndose, y los escritores cuentan esto, empoderándolos y empuntiando, cumo protagonistas sociales con mayor compromisu y llucha. Esta destácase de primeiras y mayormente na fúi el revoluciu bolchevique, col sou outor más importante Sholojov.

La lliteratura d’esti tipu, suel cayer fondamente nel maniqueísmu, onde nun se busca tantu, cierta calidá lliteraria sinón la pura axitación y propaganda. Por eso, ensalzou a Sholojov, que siendo un escritor del revoluciu, nun se deixóu arrastrar por este momentu, y siempre buscóu narrar personaxes más o menos complexos y contradictorios, con interrellaciones conflictivas non solamente contra la burguesía y el sou Estáu, sinon tamien drento de la crase trabayadora.

Un llibru craramente recomendable pa llier, ye’l llibru de Jorge Amado, “Los soterraneos de la llibertá”, ye todu un manual de cúmo facer política y activismu social, inclusive nesti mundu tecnoloxizáu.

Esti outor que plantía unas historias, con una estructura nada llinial, cumo la vida, son escenas paralelas en tiempu y situación, mas desgraciadamente con personaxes bien simpres, onde los comunistas son bien buenos y valientes, cumo vanguardia de la crase obreira, mientras que la burguesía nun tié nin sentimientos.

Estas lliteraturas la social, y la socialista que cuentan cumo ye la vida social y económica d’un territoriu, sobriza entender la historia de la que vinimos y vivimos pa intervenir nella, pos muestra las vivencias de todas esas crases sociales que conocemos teóricamente.

Tamién el valor fundamental de la lliteratura socialista ye que nos educa en ciertu optimismu ante’l futuru, que tenemos que costruyir cumo posibre.

Por desgracia, la lliteratura socialista suel cayer nel esquematismu simprón de la rialidá, y eso defrauda, yá que nun fá regustar tolos detalles que podría mostranos.