LLOGA A PEPE, AL NUESU ELIPE.

Apenas lu conocía.
Apenas tuve tratu con él.
Pos yeramos diferientes
Con gustos y costumes diferientes.
Con edades abondu allonxadas.
Con historias personales, sociofamiliares mui distintas entre nós.
Mas cumo tal, conocíalu.
Yera ante todu y ante todos,
una buena persona.
Eso ye lo fundamental.

Con solo eso, ye más que suficiente pa remembralu.

Enrecordándolu, dándole más vida a la sua vida.

Si uñíu al sou carácter de compatía, ironía, amistá, ofrecimientu, llaboriosidá y regaláu, a mayores tenía una historia de llucha, griesca escontra los ñemigos de los trabayadores, cumo dicen quienes lo conocieron na sua militancia de partíu y d’activismu social y comunista pola repúbrica democrática popular.

Con todu esto, amostraba que tenía muchu más, una dobre estima, col añadíu de valores morales y éticos de compromisu vitalista que sirve pa chubilu al altar de los imprescindibles na nuesa ilesia de la solidaridá.

Ante todu, nunca esqueicelu.

Morriste mozu, por demás. Cuándo más te precisábamos, los amigos, los compañeiros y los obreiros.

¡Cuánto t’añoramos!