CUANDO EL DESTINU DEL HOME YE LA FELICIDÁ...

 

CUANDO EL DESTINU DEL HOME YE LA FELICIDÁ, nun precisa de Diouses, tien nas suas manos, tolas ferramientas p’abarcala.

L’home adolez de dous males:

-Los consustanciales a la condición humana, interiores o espirituales de la vida y la sua fin.

-Los coyunturales, externos ou materiales, nesti aspectu, los belicismos, las pestes, con tolas secuelas, son el nuesu pan de cada día. Nesto, trayéi a la sociedá sentimientos de inseguridá física, la ruina, el mísere y la perda de conciencia y desorientación.

Nuna época asina, l’ánima del home está atarantáu, ensin saber a qué sometese y con qué medios tien pal lliberase de cadenas y preocupaciones, cumo los Diouses (a los que se venera, yá casi ensin confianza de apañar nada buenu d’ellos), la muerte y el futuru tras d’esta.

En resumen, l’home vive dia y noche albentistate, albardáu al poder terrenal, ensin saber nin poder participar, nin influir n’esti. Percíbese’l home cumo una moña de los poderes económicos, monopolistas, mientras esfúngase los vieyos ritos relixosos-políticos qu’amparan al home de las tormentas.

Ye notoriu qu’el cuerpu social está encalamonáu.

Ante esto, ruchan apregonamientos diferientes:

-Unos declaran qu’el andaciu nun tié remédiu, que solo hai que reconocelu y aceptalu, estos son los escépticos. Polo qu’hai que afuyir d’esti mundu, en consecuencia.

-Outros prescriben la vida primitiva na Naturaleza, desnudándose de las arrapeas qu’encadenan la encrenque existencia del home. Estos son los estoicos, anque se denominan cadu unu cumo l’entrocha.

Nenguna d’estas propuestas buscan la lliberación del home, masivamente.

Mas Epicuro busca conocer lo universal y non perdese no particular de las cousas, las cuales estos últimos, nun lliberan al home de las preocupaciones. D’estos conocimientos particulares deben pescudase un procesu de síntesis con fórmulas integrales, universales que ye lo únicu válidu y valiosu pa la verdadeira salú del home.

Epicuro amuestra toda una FILOSOFÍA MATERIALISTA y DIALÉCTICA, pos cola sua escuela siempre apurriada polos poderes dominantes, cola razón puesta n’acción, atacóu con xixa tolos terrores qu’asedian las ánimas, buscando la victoria, pa convertir a los homes en Diouses, amos del sou sendeiru y la sua fin.

Epicuro basa la sua sabiduría en base a la experiencia qu’ofrez la percepción sensorial, pescuda y actía con afán de obxetividá, pa evitar falsas nociones.