EL LLIÓN Y EL CIERVU.

 

Un ciervu, perillán y baruto, a quién perseguía un can, al vese casi apañáu por este, corriú contra la cueva pa escondese.

Mas apenas entróu nella, salíu del fondu d’esta un llión que, brincándose sobre’l cuitadicu, estazóule colas suas garras.

-¡Cuitádicu de mi! –exclamaba el ciervu al endiñar-, entréi nesta cueva pa afuyir d’un canelu y salvame, y, ensin cuidalu, vine cayer nas garras d’esta fiera tablajera. Si viviera tovía, qué buena llección sacaría d’este trance, pero yá ye tarde; todu está perdíu.

Entre dos peligros graves

Escoye, siempre el menor.