EL CANELU Y LA SUA IMAXEN
Ciertu can apañóu entre los sous dientes una gran cachu de chicha. ¡Que maravieya! Dixo’l cuitadicu animal. Llevaréilu a casa y comeréilu col tol gustu.
Nel caminu atruchóu un regatu con unas auguas bien trescalinas que reflexaban la sua imaxen, lo que le fizou ver a outro can con una presa más grande nel focicu.
Cumo l’animal estaba esfamiáu, abríu las fauces y tiróuse al augua, pa apañar lo del outro can. Mas, ¡Oh, qué desilusión! Somorguióuse hasta’l fondu, y nun atopóu al rival.
Entuences, esprejilóse, anque tarde, de que la gula le costóu la perdá de la sua propia presa.
Más val páxaru en manu
Que cientu volantiando.
Comentários