LA VIDA HUMANA

 

Almaraz (Zamora)

La vida humana.

Asina Kung-tsé define las bases de la vida del ser humanu, la conservación de la familia, el serviciu de la patria y l’amor a la humanidá. Pa conseguir, porcima de todu la Verdá, hai que ser siempre sinceru y rectu, anque seya con grandes sacrificios.

Hai que pescudar ante todu la rectitú de corazón y la fidelidá. Nun alfayedes amistades peligrosas. Si faltades dalguna vé, nun escatamiñedes en reconocer las vuesas trabacuentas.

La sinceridá ye’l escomienzu y la fin de tolas cousas. La vida del home moral ye una verificación  individual del orden mora del Universu. Según Kung-tsé, la llei moral asemeyase a la cultura. La Naturaleza amuestra craramente esta llei, mas nun está alcance del home voceitu ensin estudios.

L’arte del buen gobernante consistirá, según Kung-tsé, n’amostrar un buen comportamientu y un buen carácter, pa modelu de los sous súbditos.

La siguiente regla fundamental del buen gobernante: saber arrequedar a los colaboradores.

El dominiu de las pasiones defínelu a través de la doctrina de la dorada medianía, el home superior ye aquel que sabe conservar el xustu equilibriu entre los extremos. El home superior ama al espíritu; l’inferior a la sua facienda. El superior nun enrecuerda las cuelgas. D’esti xeitu, Kung-tsé cria un home modelu a siguir, un acinchu.

Amás, nun debe esqueicese que tolos homes, son hermanos. Kung-tsé asienta las bases d’una fraternidá universal, mas dende’l puntu de vista humanu, nunca divinu.