LA TEORÍA DEL CONOCIMIENTU DE CONFUCIU

•  Teoría del conocimientu de Confuciu.

Tol pensamientu de Kung-tsé revira entornu al racionalismu más estrictu. La sua enseñanza nun puede considerase cumo una relixón, sino cumo un xeitu de vida. Nun nos diz craramente si creyía con constancia na existencia d’un Ser Supremu, nin si depués de la vida terrenal había un Más acullá. El Cosmos queidaba resumíu en tres elementos: cielu, tierra y home.

Su racionalismu y falta de promesas nuna vida futura facen que na sua doctrina, la Vertú cobre un valor ensí mesma. Ye, na fín, “la vertú pola vertú”.

“De la perfección moral identificada cola verdá pura, resulta la más sublime lluz de la intelixencia nominada primitiva. De la lluz de la intelixencia deriva tamién una perfección moral, que ye la santidá apañada. La perfección moral conduz a la lluz de la razón, y la lluz de la razón conduz a la perfección moral”

Amás, la vertú concebida por Confuciu entíendese nel sentíu social, cumo esbrava a tolos homes a una conducta dereicha por baxu d’una regla fundamental: “Nun fagas a los demás, lo que nun quieras que te fagan a ti”