LA SOCIEDAD D'UN MUNDU UTÓPICU

 

La sociedá d’un mundu utópicu.

Kuntg-tsé fúi enantes que nada un maestru moralista. Na estructura del sou sistema está la investigación de las cousas pola razón y la conocencia. Kung-tsé fala siempre de conceptos obxetivos, racionales, positivos (empíricos). Ye un constructor del mundu utópicu nesta vida.

L’arrequedo del sistema de Kung-tsé está basáu nel conocimientu de la naturaleza humana.

Los instintos de los homes son sociales y, cumo tales, fundamentalmente buenos. L’egoismu ye un productu artificial y del mal, que debe evitase pa vivir socialmente.

Un home que nun busca outra cousa qu’el bien de los sous iguales, del conceyu, que tien nel corazón tolas honras, que conoz a los clásicos y apregónalos a los demás ¿nun cumpre con ello un función positiva drento de la sociedá?

Pa Kung-tsé, el home superior deprende ensin baldase, a la fin d’apañar la perfección y estar capacitáu pa desenvolver una xeira na colectividá.

Esta educación parte de la propia familia hacia’l restu de los conciudadanos, y d’equí se proyecta a tola sociedá humana.