LLOGAS A PABLO HASEL

 

LA LLUCHA NUN SE PUÉ FORZAR, MAS LA PROPAGANDA PUÉ SER LO QUE SOBRICE LA GRIESCA.

Esti enrecuerdo a tolos que llucharon, chacullaron l’ambiente, a tolos que fueron reprimíos, qu’están nas cárceles, a los presos políticos y agora más anguaño, a Pablo Hasel, pola sua voz que ye la de muchos.

La frase del títulu, escrébilu más o menos cumo lo dicía un compañeiru, del que deprendí muchu, y anque se xustificaba con esto pa escomenzar el sou amornalar de la xeira política, nun le faltaba razón de que la crase obreira, los estratos populares son los que tien que sensibilizase y fuñicase. Nós solo podemos acompañalos, amostrales unas ideyas de lliberación, unos métodos de llucha, a traviés de la lliteratura, l’arte, la propaganda y nun por pura ilusión infantil del todu poderismu conseguiremos mediante’l nuesu sacrificiu y activismu que las masas espierten de los delirios burgueses y consumistas, del facismu, del anguañu monopolismu financieru.

Estos revulicios están en tolos llugares, anque nun salgan na televisión, na prensa, y nos “mass mierda”

Nas aldeyas tamién hai llucha política, anque seya puramente casera, anque nun s’apregonen pol mundu.

Nel campu siempre hubo griescas sociales, lo que pasa ye que la Historia cuéntala los que sabían llier y escribir, por eso na lliteratura escrita nun apaecen nengunu d’estos sucesos, sinon tenían más remediu ou servíanles por interés represivu.

Na lliteratura oral tampouco queida muchu na memoria, solo breves lliendas, yá que al estar apurriadas, censuradas las noticias y las historias, nun yera fácil cantalas, recitalas pubricamente. Estaban proscritas, polo que todo aqueillu que nun se remembraba, esfungábase de la memoria.

Y con esto, más el caciquismu y los curas facían tolo demás.