NADA PUÉ RUCHAR DE LA NADA.

 

NADA PUÉ RUCHAR DE LA NADA.

Tres filósofos de Mileto, Tales, Anaximandro y Anaxímenes cuidaban de que tenía que haber una materia primaria de la qu’estaba feichu tolo demás.

La cuestión ante esto, vien agora: ¿Cúmo yera posible qu’una materia s’esmodricara de sopitu pa mudase en dalgu completamente diferiente? A esto podemos llamalu “l’enrudiu de la mutación”.

Outro filósofu, Parménides opinaba que tolo que hai, existíu siempre, lo que yera una ideya mui corriente entre los griegos. Daban más o menos por sentáu que tolo qu’existe nel mundu ye eternu. Nada pué, surdir de la nada. Y dalgu qu’existe, tampouco se pué mudar en nada.

Mas, esti filósofu fúi más llonxe que los demás. Cuidaba que nengún verdadeiru entrampiu yera posibre. Nun hai nada que pueda mudar en dalgu talmente diferiente.

Está craru que Parménides sabía que precisamente la naturaleza amuestra variaciones constantes. Con los sentíos observaba cumo mudaban las cousas, mas esto nun s’aballa colo que dicía la razón. Polo que, víuse forzáu a escoyer entre fiase de los sous sentíos ou de la sua razón, optó pola razón. Ante la frase: “Si nun lo veo, nun lo creyu”. Parménides nin creyía anque lo viera. Pensaba que los sentíos ofrecen una imaxen trascordada del mundu, una imaxen que nun s’aballa cola razón. Cumo filósofu, consideraba que yera la sua obligación guipar cualisquier “deliriu”

Esta fuerte fé na razón llámase racionalismu. Un racionalista ye’l que tien fé na razón cumo fuente de conocimientos sobre’l mundu.