LO ÚNICU QUE PRECISAMOS PA SER BUENOS FILÓSOFOS, YE LA CAPACIDÁ D'ASOMBRU.

 

LO ÚNICU QUE PRECISAMOS PA SER BUENOS FILÓSOFOS, YE LA CAPACIDÁ D’ASOMBRU.

¿Qué ye lo más importante na vida? Si preguntamos a una persona que s’atopa con fame, la respuesta será la comida. Si empuntiamos la mesma pregunta a dalguien que tien fríu, la respuesta será calor. Y si preguntamos a una personas que se sienten sola, la respuesta seguramente será estar con outras personas.

Mas cuando están minimamente las necesidades cubiertas, hai dalgu que tol mundo precisa. Asina lo consideran los filósofos. Nun solo de pan vive’l home. Ye craru que tol mundo, necesita comer. Tol mundo necesita también amor y cudiaos. Pero, entovía hai dalgo más que tol mundo quier. Queremos atopar una contestación sobre quién semus y por qué vivimos.

Interesase por qué vivimos, nun ye, polo tantu, un interés tan fortuitu ou tan casual, cumo por exemplu, arrequedar sellos. Quien s’interesa por cuestiones d’esta crase, está preocupáu por dalgu qu’interesa a los seres humanos dende que viven nesti planeta. Cúmo nacíu’l universu, el planeta y la vida equí, son cuestiones más grandes y más importantes que saber quién apañóu más campeonatos ou medallas.

El meyor xeitu d’acercase a la filosofía ye plantiar dalgunas preguntas filosóficas:

¿Cumo se críu’l mundu? ¿Existe dalguna voluntá ou intención tras de lo qu’asocede? ¿Hai outra vida después de la muerte? ¿Cumo podemos solucionar problemas d’esi tipu? Y, en resulta: ¿Cumo debemos vivir?

En tolas épocas, los seres humanos ficiónense preguntas d’esta crase. Nun se conoz nenguna cultura que nun s’haiga preocupáu por saber quienes son los seres humanos y d’onde procede’l mundu.

En rialidá, nun son tantas las preguntas filosóficas que podemos facenos. Yá formulamos dalgunas de las más importantes. Sin encambio, la historia amuéstranos muchas respuestas diferientes a cada cuestión que nos facemos.

Sentimos que resulta más fácil, facese preguntas filosóficas que contestalas.

Tamién, huei’n dia cadaunu tien que buscar las suas propias respuestas a esas mesmas preguntas. Nun se pué consultar una enciclopedia pa ver si existe Dious ou si hai outra vida depués de la muerte. La enciclopedia tampouco nos proporciona una respuesta a cúmo debemos vivir. Mas, a la hora de formar la nuesa opinión sobre la vida, pué resultar de gran sobrizu llier lo qu’outros pensonen.

La busca de la verdá qu’empuntian los filósofos podría comparase, sicasi, con una historia policiaca, nel que unos opinan diferientes d’outros sobre quién ye’l criminal. Cuando se trata d’un verdadeiru misteriu policiacu, pué que la policía llegue a descubrilu. Entuences, el misteriu sí tien solución.

Anque una cuestión seya difícil de contestar pué, sin embargo, cuidase que tien una, y solo una respuesta correcta, mas sobre si existe vida después de la muerte, y cúmo sería esta, si existiera, parez más difícil, pescudalu.

A través del tiempu, la ciencia solucionóu muchos vieyos enigmas. Cuestiones sobre cúmo sería la lluna, son difícilmente discutibles, la respuesta dependía de la imaxinación de cadaunu. Pero huei’n dia, sabemos cumo ye la lluna. Ya nun se pué, creyer en llunaticos nin la lluna cumo un queisu.

La filosofía surdíu debido al asombru de los seres humanos. Al ser humanu parezle tan extrañu vivir que las preguntas filosóficas surden por sí solas.

La murnia de todu esto, que cuando nos facemos mayores, acostumbrámosnos al mundu tal cumo ye, y piérdese la capacidá de sorprender. Nesi casu, perdemos dalgu esencial, dalgu que los filósofos tentan espertar en nós. Porque hai dalgu drentu de nós mesmos, que nos díz que la vida ensí ye un gran enigma.

Ye dalgu que sentimos, inclusive muchu enantes deprender a pescudar.

También, desgraciadamente, anque las cuestiones filosóficas afectan a tol mundu, nun tol mundu se muda en filósofu. Por diferentes razones, la mayoría nun observa más aculla de la rutina, polo qu’el propiu asombru queida apartáu nun requeixu.