MOLINOS D’AUGUA DEL PARQUE NATURAL DE MONTESINHO

 

MOLINOS D’AUGUA DEL PARQUE NATURAL DE MONTESINHO.

Del llibru: Moinhos de Água do parque natural de Montesinho. Outores: Vitor Simoes Alves, José Rodriguez Monteiro.

Un pouco d’historia.

Nel momentu en que los nuesos ancestros escomenzonen a semar granas nacíu’l asuntu qu’agora nos ocupa. Anque inalvertidamente, fui con esi actu, el descubrimiento de l’agricultura, lo que la humanidá realizóu la primera revolución económica de la sua llarga historia y que vendría a proporcionar una victoriosa proliferación de la especie humana.

Dende’l antíguu paleolíticu, época de los primeiros pasos del home sobre la tierra, que los homes s’atoparon con una urxente, y pa muchos nunca satisfecha necesidá de comida. Esto remóntase a esas épocas d’actividá de triturar y moler raíces, frutos y granas silvestres, que sobrizaban na sua escasa alimentación.

Mas la verdadeira molienda solo aparez cuando se xeneraliza l’usu del pan, estando íntimamente relacionáu cola producción de cereales, emplegados na alimentación humana depués d’espachucalos ou reducilos a farina.  Generalizar

Daquella, enantes d’esta necesidá existía la costume de espachucar sobre una piedra, plana ou llixeramente escavada, sustancias de diferentes cualidades y pa diversos fines. D’equí se difundíu’l llamáu molinu de piedra, usáu nos tiempos prehistóricos y consideráu de los ferramientas más antiguas emplegadas pola Humanidá, p’apachacar ou moler ciertos productos alimentarios. Segundo Estrabón contaba que yera’l xeitu que los nuesos antepasáos Lusitanos reducían las abillotas a farina. Igualmente, muchu más antiguu y nacíu de la mesma necesidá d’apachar algunas sustancias alimenticias y medicinales, ye cumo aparecíu’l morteiru.

Asegurada la senara, debidamente llimpia y arrecadada, los campusinos tenían, emprincipiando, buena parte del añu siguiente aseguráu’n términos alimentarios. Había, entovía, que someter a la grana a un llargu y enrebisgáu procesu técnicu que s’empuntiaba atartallar el cereal que se consumía. Efectuar esta transformación significaba, para un campusinu, adamase a una estructura social, pues nas diversas formas de mudar la grana en farina escubríanse las casualidades de la organización social en qu’el campusináu s’atopaba enratáu. El procesu de granu a farina reflexa una cierta correlación entre una crase de cereal sembráu, la senara conseguida y los hábitos alimentarios de los puebros. Distínguese asína, diferientes xeitos de farinación, unas domésticas y outras que nun lo son, n’absolutu.

De los molinos manuales de piedra evolucionóu a unos alparamentos cadavé más sofisticáos. El momentu de la gran muda na historia de las técnicas de molienda diú-se cuando’l home consiguíu perforar la piedra inferior, permitiendo, d’esti xeitu, el pasu d’un eixe que s’afería al superior a traviés de una traviesa de fierru. Por mediu d’este avance técnicu conseguía-se variar la distancia entre las piedras, y apañar un farina más ou menos fina.

El pasu siguiente fui’l aforru de xixa humana, al ser pescudáu y construyíu’l molinu, emburriáu por animales, unu de los dous últimos exemplares en funcionamiento localizábase na aldeya de Quintanilha, extremo oriental del área del Parque de Montesinho.

Mas outra forma d’enerxía, más económica y también más fácil d’usar, estaba a manu del home –l’augua- que dende va muchos síglos yera emplegada cumo xixa productiva.

L’adaptación d’un par de piedras a una rueda movida por augua corriente a travíes d’un eixe y dalgunos engranes representóu’l momentu decisivu en que nacíu’l molinu d’augua. Representóu una fase na evolución de las técnicas de moler y muestra un aprovechamientu d’una nueva fuente d’enerxía.

Los oríxenes del molínu hidráulicu, na versión de rueda horizontal, el rodiciu, ou na versión de rueda vertical, l’aceña; permanecen enrotiadas en muchas solombras y incertidumbres. Las primeras referencias son de carácter lliterariu y remontan al siglu I a.N.E., siendo una del poeta Antipatro de Salónica (85 a. N.E.) y outra del nuesu bien conocíu Estrabón (63 a.N.E.) Nel siglu I de la nuesa era, al referise a Italia, Plinio dicía que se usaban “ruedas que l’augua fá rodar cuando por ellas pasa, y asína moler”

Nun disponemos d’elementos que nos permitan situar exactamente la feicha d’aparición de los molinos d’augua nas rexones que forman huei Portugal, pos yeran ya extendidas en Roma nel siglu I. Nel siglu V los Visigodos yá los consideraban d’usu ampliu na Península Ibérica.

Perduran, inda, entre nós, un considerable númaru d’estos artefactos que nel casu de los conceyos de Bragança y Vinhais tienen prácticamente la totalidá de las variedades existentes. Este fechu debe considerase una crara interrelación entre las rexones montañosas onde se favorez l’aprovechamientu de la gargallera, la sua simplicidá en términos tecnolóxicos, el sou baxu costu y la menor cantidá d’augua que se precisa pa movelos, lo qu’amuestra una enorme ventaxa en rexones cumo esta onde los estíos son calurosos y secos.