LAS GALLINAS PARRANDOLAS Y LAS ESMIRRIADAS

 

LAS GALLINAS PARRANDOLAS Y LAS ESMIRRIADAS.

Vivían nun corral varias gallinas: unas bien enfosadas y fondonas; outras, al contrariu, famélicas y farfallas.

Las gallinas gordas, arguyosas de la sua buena facha, riánse de las engulemas, faltándolas de cangarrias y esbirriadas.

Mas el cocineru, apriguerando dalgunos buenos plataos pal convite d’Añu Nuevu, fúi al gallineru y escoyíu las meyores qu’ellí había.

Esto nun fui difícil pos viendo las gallinas fanegas, nun había más que pescudar. Entuences, estas invidiaron a las compañeiras amorronadas y escuchimizadas.

Nun dispreciemos a los murriñosos, enxamás.

Quiciás tengan meyor suerte que nós.