¡EL HOME FÁ LAS CASAS, LAS CASAS FACEN AL HOME!

 

¡EL HOME FÁ LAS CASAS, LAS CASAS FACEN AL HOME!

Del llibru: O homem faz as casas, as casas fazen o homem! Manual de recuperaçao e construçao.

Outor: Arq. Carlos Guerra (Parque Natural de Montesinho)

Hai cierta alarma que verifica que, cadavé más, van siendo construyías nuevas edificaciones, que nun siempre proporcionan las meyores condiciones de vida a los sous moradores, pero gradualmente van destruyendo’l equilibrio constructivu de las aldeyas y del paisaxe envolvente.

Durgante xeneraciones, pos ye difícil contar el tiempu, las pobraciones aisladas y esqueicidas que huei integran el Parque Natural de Montesinho vivionen difícilmente, y allonxadas de lo que llamaríamos los bienes de la civilización. Ensin carreteras, ensin augua, saniamientu, electricidá, escuelas, en conclusión, toda una infinidá de contribuciones que pudieron aliviar las difíciles condiciones de vida de las pobraciones.

Cola meyoría de las condiciones de vida de las pobraciones, debido en gran parte a la emigración, inicióu-se una rucha de construcciones, con aplicación de nuevos materiales que la técnica pusu a la disposición, mas nun siempre bien emplegaos constructiva y económicamente. L’espilfarru de diñeiru escomienza casi siempre pol arroñe de las casas vieyas, ensin condiciones de habitabilidá, pa que nel espacio deixáu, llibre llevante-se un nuevu edificíu que vá proporcionar la comodidá deseyada. Mas cadavé, que una casa antigua ye estruyida, cun ella desaparez un pouco de nós mesmos, de los nuesos enrecuerdos individuales y colectivos.

Craru qu’esto nun xustifica que las personas de huei tengan que vivir mal, porque enantes, estaban obligadas a vivir malamente.

Sin encambio, nunca s’esqueiza que cuesta más recuperar que conservar. Por eso, ye precisu efectuar las pequeiñas xeiras necesarias de mantenimientu de la sua casa periódicamente.

Ya, dalguna vé, pensaron que xeneralmente las vuesas casas vieyas tien cerca de doscientos años, lo que quier dicir que vivionen ellí, vuesos padres, vuesos vuelos y los bisabuelos, ye dicir, tres xeneraciones d’enrecuerdos y tradiciones, un pasáu común qu’uñe las familias ¿que tenemos obligación de continuar?

Cuantas veces se fala d’una caleya ou d’una praza de l’aldeya y úsanse las casas cumo punto de referencia.

Ye através de la memoria, cumo se trascordian los llugares que podemos mentar aquella casa cola baranda de madeira ou d’aquella que tien un corredor na entrada.

Todos acostumbrámonos a una imaxen de los llugares y ye siempre un choque verificar que, de sopitu, aquella caleya ou aquella avenida tien agora una construcción nueva tan diferiente de la imaxen que teníamos na memoria.

Hai qu’amostrar las ventaxas qu’existen en recuperar y renovar una casa, envede arroñar y construyir de nuevu.