EL CHIVU Y EL LLOBU
EL CHIVU Y EL LLOBU
Al salir la cabra del tenaú, encargóu al sou fíu, el curiáu de la casa, alvirtiéndole’l peligru de los animales que rondaban pol enredor con intención d’entrar nos tenaos y devorar las pearas.
Nun tardóu muchu en llegar el ñemigu: ¡Un llobu, qué piciu, amigos mios, un llobu!, qu’imitando la voz de la cabra llamóu cortésmente a la puerta pa entrar.
Al mirar el chivu por una esguiza víu al feroz carniceiru y, ensin atestayase, retrucóle lo siguiente:
-Bien séi que sos el nuesu mayor adversariu y que, imitando la voz de mia madri, pretendes entrar p’axagame.
Puedes marchar, odiáu animal, que nun seréi you quien te desapeche la puerta.
Sigue’l conseyu de los padres
y vivirás feliz tola vida.
Actuando con obediencia,
cúmprese cola conciencia.
Comentários