DALGUNAS CONSIDERACIONES. NA RECUPERACIÓN Y CONSTRUCCIÓN.

 Dalgunas consideraciones.

Del llibru: O homem faz as casas, as casas fazen o homem! Manual de recuperaçao e construçao.

Outor: Arq. Carlos Guerra (Parque Natural de Montesinho)

Nunca naide enseñóu a los nuesos ancestros cumo deberían construyir una casa. Cuando las personas necesitaron tener un abrigu, pouco a pouco, perfeccionen las construcciones y apañaron los materiales que meyor les venía y ofrecía la naturaleza. El home construyía las casas pa defendese y abrigase de la propia naturaleza.

Las casas tradicionales son el resultáu de millares de años de perfeccionamiento y adaptación al mediu ambiente. Tien cumo garantía de la sua calidá, los sous siglos de experiencia. D’esa experiencia resultóu la adaptación de la casa a las necesidades de los moradores. Siempre que s’alteraban las necesidades, adaptábase la casa, mas las formas y los materiales manteníanse, pos yeran los que daban meyor resultáu nas necesidades de los moradores y nas condiciones ambientales.

Toda esa ciencia de construcción existía y perduraba ensin estar escrita, pos siempre pasóu de padre pa fiyos. Os homes construyían las propias casas, colos materiales que la experiencia recomendaba y el xeitu de construyir yera un conocimientu común, pos pertenecía a la cultura de los puebros. Tolos los puebros tien la sua cultura y l’arquitectura popular, ye ensin duda unu de los sous aspectos más importantes.

Cola evolución de la técnica surdirán nuevos materiales d’obra, cuya aplicación garantiza buenos resultaos, mas nun resultan de la experiencia y conocimientu popular.

Cola aplicación d’estos nuevos materiales y d’outras formas y procesos de construcción forman a su vé, parte de la propia cultura.

En 1964 hubo en Venecia, Italia, un conceyu internacional de Arquitectos y Técnicos de Recuperación de Monumentos, qu’alarmaos cola estrucción de los edificios qu’atestiguan el pasáu y la cultura de los puebros, elaboraron un documentu que se conocíu como la Carta de Venecia, na que estipularon lo que se debería facer pa recuperar y defender el patrimoniu artiquectónicu, ampliando asína también el criteriu de monumentu, con una definición nel primer artículu de la Carta:

Art.1 – La noción de monumentu históricu, comprende tanto toda la criación arquitectónica aislada, cumo los conxuntos urbanos ou rurales, que seyan testigos d’una evolución significativa ou d’un acontecer históricu…

Dende entoncias, tolos países del mundo comprometen-se amparar los sous monumentos. Existen bastas zonas, onde s’observa qu’entovía nun hai mucha estrucción, y también existen, tovía riestras d’edificios más ou menos preservaos.

Una de las soluciones pal sou mantenimientu ye integralas nun Parque Natural, recomendando y aconseyando a las personas a mantener la sua cultura, cumo unu de los bienes colectivos más preciosos, asina cumo testimonios d’esa mesma cultura, construcciones, artesanía, tradiciones, costumbres, etc., proporcionándole nesa xeira tol sobrizu posibre.

Ye fundamental meyorar las condiciones de vida de las pobraciones del Parque Natural de Montesinho, mas ensin perder la integración nun ambiente que proporciona la calma y el sosiegu, que nun siempre está alcance de todos.

Pa realzar lo qu’equí s’acaba dicir, nada meyor qu’el textu del director del Parque Natural Regional do Pilat, en Francia, non solo polas cualidades de las palabras, cumo pol exemplu que ofrez, visto que de Francia nos llegan xeneralmente los nuevos modelos y métodos de construcción, trayíos por aquellos que se ven obligaos a emigrar y nel sou regresu ou nas vesitas anuales que facen a la tierra de orixen, mui xustamente procuran meyorar las condiciones de comodidá de suas casas.

Xeneralmente arroñan las casas antiguas, pa construyir de nuevu, siguiendo los modelos qu’están enseñaos a ver. Una casa francesa ou alemana, d’una determinada rexón, con características ambientales y paisaxística propias, que nada tien que ver cola rexón pertuesa, onde se plantía construyir.

Asina se provoca una degradación paisaxística, que también n’outros países como Francia, escomienza ser preocupante, fomentándose la creación de Parques Naturales col oxetivu de preservar los múltiples aspectos de la cultura popular, el paisaxe y l’ambiente.

Estas son las recomendaciones del director del Parte Natural Rexonal de Pilat:

“Un paisaxe ye compuestu por un relieve y por una vexetación, construyías por tiempu na que nos siglos los homes viven y trabayan. Construyir ou restaurar un edificiu ye modificar el paisaxe.

Por eso, los constructores nun deben atender solo a los sous deseyos y voluntá. Deben también tener en cuenta los daños que puedan causar al paisaxe, pos si la construcción ye propiedá privada, pasará a ser propiedá del común cuando todos lo vemos y almiramos.

Tener en cuenta los estragos nel paisaxe, nun significa de modo algunu, aveni-se a lo qu’hai. Tráta-se simpremente d’observar un mínimu de reglas simpres, de las que la orixinalidá nun ye forzosamente excluida y que non motiva obligatoriamente más gastu. Estas reglas aplican-se a tolos paisaxes de Francia, más sobretodo nos Parque Naturales, que constituirán mañana, drento de la nuesa civilización industrial y urbana, territorios de paz y harmonía”