L’ALABANCIA AL TERRORISMU D’ESTÁU.

 

L’outru dia, pusieron en TV, el filme “Los intocables de Elliot Ness” en memoria de Sean Connery, qu’acababa de fenecer, todu un panfletu p’azalagar el terrorismu d’Estáu cumo única rodera y ferramienta de llucha escontra la delincuencia, nesti casu, la emprendida na economía de mercáu del alcohol. Asina, explicábalu mui bien Al Capone drento de la película, él lo que facía yera abastecer lo qu’el mercáu pesquisaba.

Craramente, si mandaron a Elliot Ness a Chicago cumo axente del Estáu, más que por interés del municipiu, amuestra qu’este empresariu nun yera tan grande cumo nos lo quieren vender nos documentales, que la sua influencia política yera llocal, y que’l Estáu actuó en seriu cuando vióu peligrar la sua imaxe de amu y señor del monopoliu de la violencia, nesas griescas que tenían los diferientes comerciantes de Chicago en esparigir el mercáu.

Esto también quedóu bien craricu, na filme Loving Pablo, sobre la vida y negocios del colombianu Pablo Escobar, neste caso Fernando León de Aranoa, que yera’l director, unu de los meyores del Estáu español, nuna película cumo esta, plantiada pa’l púbricu estadounidense, y eso nótase que nun fui tan incisivu, política y socialmente, en tolas problemáticas sociales de Colombia y los sous conflictos internos, cumo ofrez en obras anteriores cumo “Los Lunes al Sol”. Pero, enseñóu abondas escenas que le fá unu aberruntar.

Precipalmente, nun me extraña qu’en Colombia, más concretamente en Medellín, téngalu santificáu, por fizóu una xeira social, que tenía y sigue teniendo talmente esqueicíu l’Estáu. También se presentaba cercanu colos sous vecinos, conocíalos pol sou nome y familiaridá, pos yera’l benefactor.

A Pablo Escobar pasóle cumo a outros por equí, mientras trataba solo, podían ser repunáu socialmente y sería sospechosu cumo nuevu ricu, arriquecíu dende la nada en poucos años, mas cuando quiso achancar, monopolizar el mercáu de la droga, inclusive internacionalmente nos Estaos Unídos, y querer metese na casta política colombiana; fui cuando escomenzaron seriamente los sous problemas.

Pos cumo dicía la periodista, l’amante de Pablo a un policía estaunidense, que lo que rialmente les amolaba, nun yera que entrara droga, sinon marchaba los beneficios d’esta, fuera del país.

Cuando quiso metese en política, tanto pagando políticos cumo apareciendo nas elecciones, reflexaba las vergoñas d’un réxime corruptu, nada democráticu que confirmaba lo qu’el apregonaba, con perras conseguíase todu, yá qu’el tasaba cuánto costaba cada puesticu del Estáu, p’apañalu.

El salir de Diputáu, fue l’escomienzu total del sou arroñe, yá que toda esa piara de políticos compraos, furánronlu, con toda una campaña de caza na prensa, y d’ellí a lo xudicial uñíu al terrorismu d’Estáu, atentando escontra las suas bases obreras y directivos de la corporación; buscando’l sou zarramientu social.