CUANDO’L TREMOLIAR YE LO FUNDAMENTAL
Está craru, qu’el miedu criáu con esta peste, está mui bien rentabilizada. Esti cumo la llei bozu, criáronse precipalmente pa prevenir el posibre descontentu social que podría provocar una cresis que ya s’estaba viendo venir, que lu anunciábamos todos, y yera púbricu, más o menos encalcáu.
Cumo está cresis diba ser apazpañable, que meyor que nun momentu nel que’l ñemigu futurible esterior del mundu “occidental” diba ser China, y esta estaba pasando una maleita desconocida, y qu’a causa de los movimientos comerciales esparramaríase a tol mundu, con muchas vacilaciones, dudas que confundían a la pobración intencionadamente ou nun, en Diciembre, en Xañeiru, con tolas griescas partidistas tanto drento cumo fuera del gobiernu, si engarrar midías de zarramientu pobracional, cumo diba ser un confinamientu masivu, mediante un Estáu d’Alarma col que solo cumprieron la parte que les interesaba, la represión.
En nengún momento, intervinieron na sanidá privada pa que pudiera haber más camas y asina conseguir desatorgar y ampliar l’asistencia sanitaria púbrica a tola pobración.
La señardá verdadeira que se pué tener de que s’atafañen los hospitales púbricos debido a un contaxu xeneral, gravándose masivamente la situación, pudo dalgún xeitu remediase abriéndose más camas nos hospitales privaos; pos agora ye cuando menos camas había nos hospitales púbricos, pos en tolas reformas y nuevas construcciones de hospitales lo que s’impulsaron, fui pa eliminar camas disponibles. Entuences ye normal, que haiga problemas.
Para todu esto, lo únicu que supieron y saben ye meter policía y a los militares a la calle pa facer “llabor humanitaria” cumo facen nas misiones humanitaristas nel extranxeru.
Comentários