LAS MEIGAS SIGUEN VIVAS

Cuando “Bruxas y meigas andan xuntas. Mitoloxía y realidá de la bruxería llionesa” este artículu de Nicolás Bartolomé Pérez, amuestra nuevamente cumo una revista cumo Añada, ofrez un altu nivel d’estudios y d’estudiosos, que gusta llier y disfrutar.

L’outor sabe lo que diz, los enrecuerdos de meigas están por tolos llaos, polas aldeyas solo hai que perguntar, y siempre falarán d’aqueilla muyer que dicía cousas extraordinarias, y que depués por sorpresa, sucedían.

Entovía las meigas están mui vivas, pos apaecen na televisión, y en toda crase de pubricidá, lliendo las cartas, eichando ou quitando’l mal ueyu. De lo que yera simpremente aqueilla muyer solitaria rural d’una aldeya, agora yá ye urbana y sal la prensa i interné.

Nun mundu hipertecnoloxizáu, seguimos aberruntando nos fechizos. Pos está craru qu’anque la ciencia y la tecnoloxía empuntie cadavé más la vida, también siguimos demandando más, también d’ella. Y cuando tarda, ou nun llega al tiempu cumo queremos, tornamos la nuesa mirada a los meigos y las meigas, a los curanderos y curanderas, que siempre están disponibles. Solo hai que pescudalos.

Nesti artículu remírase sobre muchos arreos y animales típicos de los meigos, el machismu del réxime qu’acusaba más a las muyeres cumo meigas.

Analiza también, sobre’l términu “bruxería” apañáu polos ñemigos; el mesmu, el clero que nun curaba nin deixaba curar; polo que si estos a pesar de las persecuciones siguieron subsistiendo, fuí gracias al sobrizu popular, que precisaba d’esperanza ante una melicina furnia.

Amuestra también cumo este ñemigu de relixón engaluchaba con lliendas de meigas que confraternizaban col diabru -los famosos aquelarres-.

La revista Añada: http://revpubli.unileon.es/index.php/anada/index