CUANDO’L VIRÚS, YE VERDADEIRAMENTE’L MIEDU.

 

Rialmente nun mundu nel que las noticias son continuamente llabaciernas p’atestayar a la pobración. Asina consiguiéronlu y siguen zurriando sobre’l terrorismo islamista, que sirve precipalmente pa empuntiar una política exterior agresiva d’ataque imperialista.

Va pasando’l tiempu, y lo islamista deixa d’acoquinar tanto, y a mayores, parez cadavé más controláu y “pacificáu”. Polo qu’hai que falar más del amagu oriental, lo chinu, y rusu también, y mira que China ye un sociu comercial, mas nel mundo financieru y d’armamentu, nun deixa d’asiñalar a estos cumo potenciales ñemigos.

Nesti filu, por activa ou pasiva, aparez una nueva oportunidá. Una escusa fundamental pa siguir esmedrentando a la pobración interior, criándose ñemigos internos, que podemos ser cualisquiera, resquiciando de todu en todos, endiñando amás a los chinos cumo los culpables d’este avíu del coronavirus.

Gracias este terciu, l’Estáu pué siguir fomentandu’l monopolismu, y arrasando cola pouca economía que queidaba de la pequeña propiedá, la hostelería.

Esa posibre y cadavé más difícil salida d’emplegu nel que podía tener un paráu, pa ganase la vida. Yá está arroñáu.

D’igual xeitu, pué dicise de cumo chuben los precios nos supermercaos y siguen arroñanse los agricultores.

Cumo también, tesa p’atrás la calidá de la sanidá, col silenciu de los médicos precipalmente, que van ser sustituídos por teleoperadores, y la falta de movilización social. Con unas centralitas y citas telefónicas cadavé más atalancadas de llamadas.