CUANDO LA VACA YERA DIOUS

Alfaraz

Un pequeiñu comentariu del artículu de la revista AÑADA: Palacios del Sil: relatu etnográficu de Roberto González-Quevedo.

Cuando este outor fala de la vaca por esas tierras, más que un recursu económicu familiar pa vender el xatu al mercáu. La vaca yera una compañeira de xeira, pa arar, pa trillar, pa acarriar, pa tresportar.

Un ser talmente necesariu, una amiga qu’acompañaba nos seranos de los plaos, cuando cariaban.

Craramente, nesas tierras de Palacios y alredor cumo por tierras senabresas, precipalmente entre las Portiellas de Padornelo y A Canda, la vaca yera todu, yera el ganáu rei, d’onde  s’aprovechába todu, hasta’l sou calor pa la casa.

Dalgo mui figurar, l’usu de la manteiga pa cocinar, pos nun se consumía nel día a día p’almorzar nin pa cenar col lleche, desaparar una capa de la outra, esnatábase colándose con muchu tientu y amañu.

Craramente, por estas tierras zamoranas mayoritariamente cocinábase con untu de marranu del mondongu anual, cola excepción de los arribanzos del Dueru que yera con aceite d’oliva.

En resumen, este resumen etnográficu da una idea xeneral de lo que yera la vida rural, campusina, d’explotación familiar y artesanal de subsistencia, que se mudóu cola minería, cuando s’afincóu.

P’acabar, recomendar mui muchu la llectura de la revista AÑADA, ye una rialidá, mas pué tener un futuru prometedor.

FELICIDADES.

La revista Añada: http://revpubli.unileon.es/index.php/anada/index