LA FUEYA ROTA Y OUTROS RELATOS
Asina podría también considerase: El cine feichu lletra.
Llier estos cuentos, ye revivir en imáxenes todu un mundu de cine, de suspense, al estilu más clásicu de Hollywood, especialmente’l primer relatu, el que da titulu a este llibru “La fueya rota” nel qu’hasta’l últimu momentu, paecía una cousa y mudóu todu de sopitu, queidando un regustu de dalgu incompletu, que falta mucho más que contar, pa outra novela, polo menos outro cuentu.
Asina, asomeyáu ye l’Esbardu, que nos va contando en capítulos esperriaos diferientes escenas que paecen nun venir a cuentu, mas están todas uñías, dramaticamente. Na que mentira, trunfa, mas ¿hasta cuándo? Yá que la violencia sigue fluyendo nos bofes del protagonista, hasta que se desenrate.
El amor verdadeiru, también está presente nel llibru, ese amor prohibíu, amonaú por culpa de los convencionalismos sociales y discriminatorios escontra’l diferiente, que siente y muestra pasión, mas nun pué amostrala en púbricu. Pero cuando la sinceridá quier confluir cola amistá, la rialidá del entornu ataca con tola sua xixa y crueldá.
Comentários