NA LLÓXICA MATERIALISTA DEL COMÚN

Nel razonamientu del materialismu común, hai una imaxen del home y del mundu mui popularizada nel que aparez que todu lo que más nos afecta ye simpre, y ofrezse la impresión de qu’anguaño se sabe ou pué sabese’l “porqué” de todu. Qu’el home cola ciencia pué reducir tolo superior a lo inferior. También asocede que la tecnoloxía, que nun acabamos de comprendela, y queremos reducilo de lo superior a lo inferior, ye dicir, esperpillar lo más polo menos. Nel fondu cuídase que lo perfectu ye siempre una martingada, en consecuencia, pescúdase esplicar lo superior cumo una arrequedación de elementos (lo inferior). Por exemplu, la superioridá humana sobre los outros seres sobrízase na magnitú del celebru, ou no enrebisgáu de las uñiones neurolóxicas, etc. En definitiva, la perfección sería custión de cantidá, el home sería superior pola senciella razón de ser el ser más enrratáu.

En resumen: El materialismu común esgrana lo superior no inferior; presenta las realidades más perfectas cumo añadíos de cousas menos perfectas. Agora bien, ¿ye evidente que pa que la perfección del ser, seya lo mesmu, ou dependa talmente de la cemba (cantidá), ou de lo enrevesáu (calidá, xeitu, amalletáu)?

Esto sirve craramente pa interpretar seres materiales.

Mas, nel idealismu, criacionismu común (contrariu al materialismu), considérase qu’hai seres inmateriales, entuences, habría una gradación de la perfección nel ser, contrariu a lo complicáu. Según esto, el ser espiritual carez de cuerpo, nun tien partes, ensin embargu, ye superior al ser material.

Lo espiritual y lo material muchas veces compáranse cumo lo superior: lo primeiru, frente a los inferior: lo segundu.

Aberrúntase, que la escala va del home hacia Dious, que ye estenu, la suprema simpreza.

Asina, muchos outros, guipan, que col conocimientu pasa lo mesmu, la seña de la intelixencia nun ye atropar sinon reducir.