L'ALMIRACIÓN, ORIXEN DEL FILOSOFAR.

La filosofía en cholas: L’almiración, orixen del filosofar.

Podemos esconocer lo que tenemos cerca. Normalmente ignoramos lo más prósimu: estamos acostumbraos, nun nos estraña, nin nos choca, por eso, nun lo buscamos. La cuestión que se pretende pescudar, restolar, ofrez sorpresa: ye dalgo folasteru y cierta maraviya. Maraviyase ye sentir que nun entendemos. La maraviya fácenos ver no ordinariu dalgo asombrosu. Los filósofos de l’antigua Grecia dixeron que la investigación y la filosofía nacieron de la contemplación. Huei en día, la humanidá cuida de que tien un altu nivel de conocencia científica, y eso fácela poderosa. Mas dudamos si el edificiu del saber humanu ye “seguru”. ¿Esta reputación nun s’arroñará, simpremente porque ye más deseyu que rialidá?