LA MATERIA OU LA IDEYA, QUÉ LO LO PRIMEIRU
La filosofía en cholas: La
Materia ou la Ideya, qué ye lo primeiru.
A nuesu alredor, hai oxetos y
fenómenos qu’atopamos nel mundu. Unos podemos palpalos colas manos, velos colos
ueyos, etc. , pesalos, midilos, etc., cumo las piedras, los árboles, los
organismos vivos, l’augua y outras muchas cousas.
Todu esto lo guipamos col sobrizu
de los órganos de los sentíos: la vista, l’oyíu, el tactu, l’olfatu y el gustu.
Mas esisten también outra crase de fenómenos, que nun podemos midir, pesar, ver
nin sentir cumo ye’l pensamientu, los deseyos y cualisquier outro fenómenu
asomeyáu. Todos ellos esisten na conciencia del home.
Cumo se véi, hai oxetos y
fenómenos qu’están naturaleza, cumo la materia y outros que forman la
conciencia, l’espíritu.
¿Qué relación esiste entre los
fenómenos materiales y los espirituales? Esta cuestión suel fuxicase na nuesa
vida en cada momentu.
Uñíu a esto, trastabardiánse d’outros
asuntos cumo: “¿Qué ye lo primariu, ye dicir, lo orixinariu: la naturaleza, la
materia, ou l’espíritu, el pensamientu, la conciencia?”
También, plantíase d’outru
xeitu: “¿Ye l’espíritu, la conciencia, lo que cria la naturaleza, la materia,
ou ye la esistencia la que cría l’espíritu, la conciencia?” Estas cuestiones
son las qu’arman el problema central de la filosofía.
Diferientes filósofos restolan
de diferente xeitu a estas dudas.
Unos discurren de que la
materia ye lo primariu, lo orixinariu, y que d’ella cria l’espíritu, la
conciencia. Estos filósofos son llamados materialistas, pos arrincan de que la
materia ye la base de tolo esistente.
Outros, al contrariu, afirman
que la conciencia y l’espíritu son lo primariu, y que la materia y la
naturaleza son lo secundariu, l’efectu, lo deriváu. Al sou criteriu, la
conciencia ye anterior a la materia, y la naturaleza fui criada por un
principiu espiritual. Estos filósofos son denominaos idealistas, pos consideran
que tolo esistente tien por base la ideya, ye dicir, el pensamientu, l’espíritu.
Estos son los dous campos nos
qu’están dividíos los filósofos: el campu de los materialistas y el de los
idealistas, siempre confrontaos a lo llargu de tola hestoria de la filosofía.
Asina, los filósofos adetájanse
en materialistas y idealistas según seya l’argumentu que den a este problema
central de la filosofía. Mas l’estudiu y l’entendimientu del mundu, dependen, a
mayores del métodu cognoscitivu que empleye unu ou outro filósofu.
Comentários